قىتايداعى قانداسىمىز «توعىسار» اتتى ەرەكشە مۋزىكالىق اسپاپ جاساپ شىقتى

استانا. قازاقپارات - قىتايدىڭ سانجى وبلىسىنا قاراستى قۇتىبي اۋدانىندا تۇراتىن قانداسىمىز ەرمەك ىرىسبەك ۇلى دومبىرا مەن گيتارانى قوسىپ «توعىسار» اتتى جاڭا مۋزىكالىق اسپاپ جاساپ شىقتى، دەپ حابارلايدى قازاقپارات.

قىتايداعى «ءتاڭىرتاۋ» اقپاراتتىق پورتالىنىڭ مالىمەتىنە قاراعاندا، ەرمەك بۇل مۋزىكالىق اسپاپتى 2001 -جىلدان باستاپ زەرتتەپ، جاساۋدى قولعا العان ەكەن. كوپ جىلدىق ىزدەنىستەر ارقىلى 2005 -جىلى رەسمي تۇردە جاساپ شىعىپ، 2008 -جىلى قاراشا ايىندا بۇل اسپاپقا پاتەنت قۇقىعىن الىپتى.

«بۇل «توعىسار» مۋزىكالىق اسپابىنىڭ ەرەكشەلگى - دومبىرا مەن گيتارانى قوسىپ جاساعان. جوعارى جاعىنا گيتارا، تومەن جاعىنا دومبىرا ورنالاسقان. دومبىرا مەن گيتارادان شىققان ادەم اۋەن ءبىر- بىرىمەن ۇندەسىپ ەكەۋىن قوسىپ تارتقاندا جاعىمدى، وزگەشە مۋزىكالىق اۋەن وينالادى ەكەن. ەگەر بۇل اسپاپ وركەستر ىشىندە قوسىلىپ شەرتىلسە ادامنىڭ تۇلا بويىن شىمىرلاتارى، تىڭداۋشىنىڭ جۇرەگىنىڭ تەربەتىپ، وزىنە باۋراپ الارى انىق»، دەپ جازادى «ءتاڭىرتاۋ» سايتىنىڭ ءتىلشىسى اداق شايمۇرات ۇلى.

قازىر بۇل «توعىسار» اسپابىنا سۇرانىس كوبەيىپ، وعان قىزىعۋشىلاردىڭ سانى كۇن ساناپ ارتىپ تا جاتىر.

اۆتور: ريزابەك نۇسىپبەك ۇلى