ۋنيۆەرسيادانىڭ اشىلۋىندا ءان ايتقان ديماش قۇدايبەرگەن جۇرتتىڭ قوشەمەتىنە بولەندى - كەسكىن
ديماش قۇدايبەرگەن اباي اتىنداعى وپەرا تەاترىنىڭ ءانشىسى زارينا التىنبايەۆامەن بىرگە يتاليان تىلىندە وپەرالىق اريانى ورىندادى. ولاردىڭ نومەرى مانەرلەپ سىرعاناۋشىلار مەن بيشىلەردىڭ ادەمى قويىلىمىمەن سۇيەمەلدەندى. اسىرەسە، سكريپكاشىلاردىڭ ونەرى ەرەكشە اسەرلى بولدى.
ايتا كەتەيىك، ديماش قۇدايبەرگەن وسى كۇندەرى قىتايدىڭ Hunan TV باستى ويىن- ساۋىق تەلەارناسىنداعى «I am a Singer-2017» مۋزىكالىق شوۋىندا باق سىناپ جاتىر. ول سايىستىڭ ءبىرىنشى كەزەڭىندە ەڭ قيىن اندەردىڭ ءبىرى «SOS d'un terrien en détresse» كومپوزيتسياسىن، ەكىنشى كەزەڭدە رەسەيلىك ۆيتاستىڭ «وپەرا №2» ءانىن ورىنداپ، قوس سايىستا دا جەڭىسكە جەتتى. ميللياردتاعان حالقى بار ەلدى داۋسىمەن تامساندىرعان ديماشتىڭ بۇگىندە تانىمالدىلىعى ارتىپ، ول ءتىپتى، قىتاي كوشەلەرىندە كۇزەتپەن جۇرۋگە ءماجبۇر. ديماش قۇدايبەرگەن بۇعان دەيىن تالاي بايقاۋلاردىڭ، سونىڭ ىشىندە «سلاۆيان بازارى-2015» حالىقارالىق ءان دوداسىنىڭ جەڭىمپازى بولعان.
