قانات يسلام ۋنيۆەرسيادادا ەل نامىسىن قورعايتىن سپورتشىلارعا ساتتىلىك تىلەدى
«قۇرمەتتى سپورت سۇيەر اعايىن، ۋنيۆەرسيادا ەلشىسى بولۋ مەن ءۇشىن ۇلكەن ماقتانىش جانە ۇلكەن جاۋاپتى مىندەت. بۇنداي الەمدىك دەڭگەيدەگى سپورت دودالارىنىڭ ءبىزدىڭ ەلدە ءوتۋى ءبىزدىڭ ەلىمىز ءۇشىن ۇلكەن ابىروي. مەن كەزەكتى جەكپە- جەگىمە دايىندالىپ جاتىرمىن. مەن امەريكادا ءبىزدىڭ سپورتشىلارعا، ءبىزدىڭ باتىرلارعا جانكۇيەر بولامىن. سونداي- اق، بارلىق قازاقستاندىقتاردى الماتىعا كەلىپ ءبىزدىڭ ەلدىڭ سپورتشىلارعا، ءبىزدىڭ چەمپيوندارعا قولداۋ كورسەتۋلەرىڭىزدى تىلەيمىن. العا قازاقستان، العا چەمپيوندار!» - دەدى قانات.
ايتا كەتەيىك، قانات يسلام 2016 - جىلى تامىز ايىندا الماتى قالاسىنىڭ اكىمى باۋىرجان بايبەكتىڭ قابىلداۋىندا بولعان كەزدە «ۋنيۆەرسيادانىڭ سپورتتىق ەلشىسى» اتانعان.
قانات يسلام قازىرگى ۋاقىتتا 17 - اقپانداعى كەزەكتى جەكپە- جەگى ءۇشىن وقۋ- جاتتىعۋ جۇمىستارىن جۇرگىزىپ جاتىر.
اۆتور: مۇحتار قاليموللا ۇلى
