قازاقستان ەلشىسى قىتايدى «چۇڭ جيە» مەرەكەسىمەن قۇتتىقتادى

دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.
«وتكەن جىل قازاقستان مەن قىتاي اراسىنداعى تاتۋ كورشىلىك، دوستىق جانە جان- جاقتى ستراتەگيالىق ارىپتەستىكتى دامىتۋدا وتە تابىستى بولدى. ساياسي، ساۋدا- ەكونوميكالىق، ەنەرگەتيكالىق جانە گۋمانيتارلىق جانە قاۋىپسىزدىك پەن حالىقارالىق ىستەر سالاسىنداعى ىنتىماقتاستىق بەلسەندى تۇردە دامىدى. 2017 -جىل - قازاقستان مەن قىتاي قارىم- قاتىناستارى ءۇشىن وتە ماڭىزدى جىل. ماۋسىم ايىندا استانادا شاڭحاي ىنتىماقتاستىق ۇيىمى سامميتىنىڭ جانە ەكسپو- نىڭ اشىلۋى وتەدى. سونىمەن قاتار، 2017 -جىل قازاقستانداعى قىتاي تۋريزمى جىلى بولىپ تابىلادى. بۇل جۇمىستار ەكى ەل مەن ەكى حالىق اراسىنداعى ءوزارا تۇسىنىستىك پەن الماسۋدى ودان ءارى تەرەڭدەتۋگە جانە نىعايتۋعا ىقپال ەتەتىنىنە سەنىمدىمىن»، - دەگەن قازاقستاندىق ديپلوماتتىڭ قۇتتىقتاۋىن كەلتىرەدى «شينحۋا» اگەنتتىگى.
ش. نۇرىشيەۆ بارلىعىنا زور دەنساۋلىق، وتباسىلىق باقىت جانە ەڭبەكتە تابىس تىلەدى.
ەسكە سالا كەتسەك، اي كۇنتىزبەسى بويىنشا جاڭا جىل - قىتايداعى ەڭ باستى جانە ەڭ ۇزاق تويلاناتىن مەرەكە. ءداستۇرلى كوكتەم مەرەكەسى ەكى اپتاعا سوزىلادى جانە بۇل مەيرام قىتايلىقتاردىڭ سۇيىكتى شامدار مەرەكەسىنە ۇلاسادى.
بيىلعى رەسمي دەمالىس اپتاسى - 27 - قاڭتار مەن 2 - اقپان ارالىعى.
شىعىس كۇنتىزبەسى بويىنشا، 2017 -جىل تاۋىق جىلى بولىپ بەلگىلەنگەن.