استانا پروتسەسىنەن كەيىن سيرياداعى جاعدايعا قاتىستى ءۇمىت ۇشقىنى پايدا بولدى - ب ۇ ۇ

سوندىقتان، ول سيريادا وق اتپاۋ رەجىمىن ودان ءارى ساقتاۋعا جانە استاناداعى كەزدەسۋدەگى ۋاعدالاستىقتاردىڭ شارتىن ۇستانۋعا شاقىردى، دەپ جازادى بۇۇ- نىڭ جاڭالىقتار ورتالىعى.
«جاقىندا بولعان ساياسي باعىتتاعى وقيعالار ءۇمىت تۋدىرىپ وتىر. وسى اپتادا كوپ جىلعا سوزىلعان قارۋلى قاقتىعىسقا قاتىسۋشىلار وتكەندى ۇمىتۋعا كەلىسىپ، استانادا ءبىر- ءبىرىنىڭ جانىندا وتىرعانىن كوردىك. استانادا جاريالانعان يران، رەسەي جانە تۇركيا ەلدەرىنىڭ وقتى توقتاتۋ رەجىمىن ۇستانۋدى باقىلاۋ جونىندەگى ءۇش جاقتى تەتىك قۇرۋ تۋرالى ۋاعدالاستىق تا وتە جاقسى وقيعا» ، - دەدى ب ۇ ۇ- نىڭ توتەنشە كومەك جونىندەگى ۇيلەستىرۋشىسى
ونىڭ ايتۋىنشا، 30-جەلتوقساننان بەرى سيريادا وق اتپاۋ رەجىمى ورىندالىپ كەلەدى، تەك جەكەلەگەن وقيعالاردا وسى رەجىم بۇزىلعان. «كوپ ادام ءۇشىن بۇل رەجىم وتە ماڭىزدى ءۇزىلىس بولدى. سوندىقتان، قولىمىزدان كەلگەنشە وق اتپاۋ رەجىمىن ساقتاۋعا تىرىسۋ كەرەك» ، - دەدى ستيۆەن و'برايەن.
سونداي- اق، ب ۇ ۇ وكىلى وتكەن اپتادا حەلسينكيدە وتكەن كونفەرەنتسيانى ەسكە الىپ، ول كونفەرەتسنيادا حالىقارالىق قاۋىمداستىق سيريالىقتاردى قولداۋعا دايىن ەكەنىن ءمالىم ەتكەنىن اتاپ ءوتتى.
«ەش ءمانى جوق ءارى وتە قاتىگەز التى جىلدىق شيەلەنىستەردەن كەيىن ءبىز سيريا حالقىنىڭ باسىنداعى قارا بۇلت سەيىلەدى دەگەن ءۇمىتتىڭ ۇشقىنىن بايقادىق. 30 -جەلتوقسان كۇنى وق اتپاۋ تۋرالى كەلىسىم كۇشىنە ەنگەننەن بەرگى بىرنەشە اپتا ىشىندە قازا تاپقاندار مەن جارالانعان بەيبىت تۇرعىنداردىڭ سانى الدەقايدا ازايدى» ، - دەپ اتاپ ءوتتى ب ۇ ۇ وكىلى.
دەگەنمەن، ول وق توقتاتىپ قانا شيەلىنىستەن ءبىرجولا ارىلۋ مۇمكىن ەمەس ەكەندىگىن اتاپ ءوتتى.
سيرياداعى جاعداي ءالى دە وتە قيىن ەكەنىن ايتقان ستيۆەن و'برايەن قاۋىپسىزدىك كەڭەسىنىڭ مۇشەلەرىنە ۆادي- بارادادا قارۋلى قاقتىعىستار ءالى جالعاسىپ جاتقاندىقتان جانە راككا اۋدانىنداعى اسكەري وپەراتسياعا بايلانىستى، سيريالىقتارعا ارنالعان گۋمانيتارلىق كومەكتى جەتكىزۋ ءالى دە ۇلكەن پروبلەما ەكەنىن ايتىپ بەردى.
ب ۇ ۇ- نىڭ توتەنشە كومەك جونىندەگى ۇيلەستىرۋشىسى ب ۇ ۇ قاۋىپسىزدىك كەڭەسىنىڭ مۇشەلەرىن وقتى توقتاتۋ رەجيمىنىڭ ساقتالۋىن قاداعالاۋعا، سوعىس وشاقتارىنداعى ازاماتتىق نىساندار مەن بەيبىت ادامداردى قورعاۋعا، ەلدى مەكەندەردەگى راقىمسىز توقساۋىلداردىڭ كۇشىن جويىپ، گۋمانيتارلىق كومەككە ءزارۋ سيريالىقتارعا جەتۋ جولىن اشۋعا، سونداي- اق، ب ۇ ۇ ۇرانى اياسىندا ساياسي پروتسەستەردىڭ العا جىلجىۋىنا كۇش سالۋعا شاقىردى.
اۆتور: كەنجەكەي توقتامۇرات قىزى