وزگەنىڭ مۇلكىن ۇرلاعاندار قاتاڭ جازالانادى

كوكشەتاۋ. قازاقپارات - اعىمداعى جىلدان باستاپ ق ر ءى ءى م- مەن بىرنەشە رەت ۇرلىق جاساۋعا قاتىستى قىلمىستىق جاۋاپكەرشىلىكتى قاتايتۋ جونىندە ۇسىنىس جاسالدى.

بۇل تۋرالى ق ر ىشكى ىستەر ءمينيسترىنىڭ ءبىرىنشى ورىنباسارى، پوليتسيا گەنەرال-لەيتەنانتى مارات دەمەۋوۆتىڭ اقمولا وبلىستىق ءى ءى د جەكە قۇرامىمەن كەزدەسۋىندە ايتىلدى، دەپ حابارلايدى «قازاقپارات» ح ا ا ءتىلشىسى.

كەزدەسۋدە وبلىس پوليتسەيلەرىنىڭ 2016 -جىلداعى جۇمىستارىنىڭ قورىتىندىسى شىعارىلدى. وعان وبلىستىق ءى ءى د اپپارات جانە اۋماقتىق بولىمشەلەرىنىڭ باسشىلارى قاتىستى. وبلىستىق ءىىد ەرجان سادەنوۆ وتكەن جىلى اتقارىلعان جۇمىستار تۋرالى بايانداپ بەردى. ونىڭ ايتۋىنشا، جۇرگىزىلگەن الدىن الۋ شارالارىنىڭ ناتيجەسىندە وبلىس اۋماعىندا قىلمىستىڭ سانى ازايعانى بايقالادى. ماسەلەن، اۋىر جانە وتە اۋىر قىلمىستارى 79,6 پايىزعا ازايعان. ونىڭ ىشىندە اۋىر قىلمىس 77,7 پايىز بولسا، وتە اۋىر قىلمىس 94,5 پايىز.

«2016 -جىلى اقمولالىق پوليتسەيلەر 127 قىلمىسكەردى ۇستادى. ولاردىڭ اراسىندا ادام ءولتىرۋ، قاراقشىلىق شابۋىل، زورلاۋ، اقشا بوپسالاۋ جانە توناۋشىلىق ءتارىزدى قىلمىستار بار. ال، ەسىرتكى ساۋداسىنا قاتىستى قىلمىستارعا كەلەتىن بولساق، بىلتىرعى جىلى 149 قىلمىس تىركەلىپ، 685 كەلى ءارتۇرلى ەسىرتكى زاتتارى تاركىلەندى. بۇل وتكەن جىلمەن سالىستىرعاندا 9 قىلمىسقا كوپ»، دەدى ءى ءى د باسشىسى ءوز سوزىندە.

كەزدەسۋدە وزگەنىڭ مۇلكىن ۇرلاۋ، تونناۋشىلىق ءتارىزدى وزگە قىلمىس تۇرلەرىنە قاتىستى ماسەلەلەر دە ءسوز بولدى. وسىعان وراي، مارات دەمەۋوۆ اعىمداعى جىلدى وزگەنىڭ مۇلكىن ۇرلاۋمەن كۇرەس جىلى دەپ جاريالاۋعا باستامشىلدىق تانىتتى. بۇل باعىتتا تۇرعىندارمەن، اسىرەسە، اۋىلدىق جەرلەردەگى حالىقپەن مال ۇرلىعىنىڭ الدىن الۋ ءۇشىن پروفيلاكتيكالىق جۇمىستاردى جۇرگىزۋ جانە ەسەپتە تۇرعان تۇلعالاردى باقىلاۋعا الۋ كەرەكتىگىن ايتىلدى. «مىندەتتى تۇردە 2015-2017 -جىلدارعا ارنالعان وزگەنىڭ مۇلكىن ۇرلاۋعا قارسى ءىس- ارەكەت بويىنشا باعدارلامانى تاعى ءبىر رەت قايتا قاراپ، ودان ءارى جۇزەگە اسىرىلاتىن ناقتى شارالاردى بەلگىلەۋ قاجەت»، دەدى مارات دەمەۋوۆ.

سونىمەن قاتار، كەزدەسۋدە ءى ءى د اپپارات جانە اۋماقتىق بولىمشەلەرى باسشىلارىنىڭ ەسەبى تىڭدالىپ، جەرگىلىكتى پوليتسيا قىزمەتىنىڭ جۇمىسى ءسوز بولدى. جيىندى قورىتىندىلاعان ق ر ءى ءى م ءبىرىنشى ورىنباسارى ەلىمىزدەگى زاڭناماداعى سوڭعى وزگەرىستەردى ءتۇسىندىرىپ، قوعامدىق ءتارتىپ ساقتاۋداعى ناقتى مىندەتتەردى بەلگىلەدى.

«وتكەن جىلى ەلباسى مەن ءى ءى م العا قويعان مىندەتتەرىن ورىنداۋدا ۆەدومستۆو تاراپىنان اۋقىمدى جۇمىستار اتقارىلدى. بيىلعى جىل ودان دا ناتيجەلى بولۋى ءۇشىن بارلىق كۇش جىگەرىمىزدى سالۋىمىز قاجەت»، - پوليتسيا گەنەرال- لەيتەنانتى مارات دەمەۋوۆ.

اسلان وسپانوۆ.