بەتاشارى ەكى مارتە جاسالعان ەكەن

استانا. قازاقپارات - تاياۋدا ءبىر جەردە قوناقتا وتىرىپ ەرلى- زايىپتىلاردىڭ باسىنان وتكەن وزگەشە وقيعا جونىندە ەستىدىم.
None
None

سوسىن بۇل جونىندە كوپشىلىك اراسىنا تارالاتىن «زامانا» گازەتىنە جازۋدى ءجون كوردىم. ويتكەنى بۇدان اتا- انالار دا، جاستار دا قاجەتتى وي تۇيەرى انىق.

...جاندوس دەگەن جىگىت پەن جانەركە ەسىمدى قىز (اتى- جوندەرى وزگەرتىلدى) ءبىر- ءبىرىن شىن ۇناتىپ، تاياۋ ارادا وتباسىن قۇرعالى ءجۇرىپتى. اتىنا زاتى ساي جانەركە دۇكەندە ساتۋشى بولىپ جۇمىس ىستەيدى ەكەن. وعان سىرتتاي عاشىق جىگىتتەر كوپ بولىپتى. سوندىقتان جانەركەدەن ايىرىلىپ قالماۋدى ۋايىمداعان جاندوس ءوزىنىڭ قولى بوساماي قالعان كەزدە ونى جۇمىستان ۇيىنە جەتكىزىپ سالۋدى دوستارىنا تاپسىراتىن بولىپتى.

 بىردە وسىنداي ءبىر جاعداي تۋىنداپ، جاندوس جانەركەنى جۇمىستان الىپ قايتۋدى ەرسۇلتان دەگەن جولداس بالاسىنا سەنىپ تاپسىرىپ كەتەدى. ءبىراق ەرسۇلتان سول كۇنى جەدەل شاقىرتۋ كەلىپ، امالسىزدان اۋىلىنا قايتىپ كەتىپتى. وسىنى پايدالانعان اۋىلدىڭ ءبىر جىگىتتەرى جانەركەنى الىپ قاشادى، جىلاپ- ەڭىرەپ، سۇيگەن جىگىتىم بار دەگەنىنە قارامايدى. ويدا- جوقتا بولعان ىستەن قاتتى ابدىراعان جانەركەنىڭ تۋىستارىنا تەلەفون شالۋعا دا مۇرشاسى كەلمەي قالادى.

تىعىرىققا تىرەلىپ، شىرىلداعان قىز نە ىستەرىن بىلمەي قينالادى. ال ونى الىپ قاشقاندار بولسا، ءماز، دوستارىنىڭ «ۇيلەنگەنىن» الدىن- الا «جۋىپ» ، ەسىرىكتەنە وزدەرىن كۇتىپ وتىرعان ۇيگە اپارىپ تۇسىرەدى. ول جەردەگى جاعداي دا بەلگىلى؛ «كەلىن كەلدى!» - دەپ ابىر- سابىر بولادى دا قالادى. مۇنىڭ جىلاپ- ەڭىرەگەنىنە، ءسوز بايلاسقان جىگىتىم بار دەگەنىنە ەشكىم دە قۇلاق اسپايدى. جىگىتتىڭ ەكى جەڭگەسى جەتىپ كەلىپ: «ەشتەڭە ەتپەيدى، ۇيرەنەسىڭ. ءبىز دە وسىلاي كەلگەنبىز» ، - دەپ قىزدى ۇيگە سۇيرەپ كىرگىزىپتى. ەكى ارادا جانەركەنىڭ ۇيىنە «كەشىرىمگە» دەپ ادام جىبەرەدى، ءسويتىپ بەتاشار جاساۋعا كىرىسىپ كەتەدى.

...وسىنداي ابىر- سابىردىڭ اراسىندا جانەركە جاندوسقا قوڭىراۋ شالىپ ۇلگەرىپتى. جاعدايدى ەستىگەن جاندوس بەتاشار بولعان كۇنى تۇنگە قاراي الىپ- ۇشىپ جەتىپتى دە، ورايىن تاۋىپ، تەرەزەدەن شىققان جانەركەنى ءوزىنىڭ ۇيىنە الىپ قاشىپ كەتىپتى. ۇيىندەگىلەر بۇل وقيعادان بەيحابار بولعاندىقتان ەش دايىندىقتارى جوق ەكەن. جاندوس جاعدايدى تۇسىندىرگەسىن ءتۇن جارىمىندا قىزۋ دايىندىققا كىرىسىپ كەتەدى. ال تاڭ اتىسىمەن كەشە عانا تۇسىرگەن كەلىندەرىنەن ايىرىلىپ قالعاندار جەتەدى اپتىعىپ. نە كەرەك، ەكى ارادا ۇرىس- جانجال بولىپ، سوڭىندا تاتۋلاسىپ، قىزعا بەرىلگەن قالىڭمال مەن بەتاشار شىعىندارى قايتارىلىپتى. ءبىر جاقسىسى، جاعدايدى تۇسىنگەن «قىز الىپ قاشقىش» جىگىتتىڭ اتا- اناسى ماسەلەنى ودان ءارى ۋشىقتىرماپتى.

سول كۇننىڭ ەرتەڭىنە جاندوستىڭ ۇيىندە كەلىننىڭ بەتاشارى بولىپ، ارتى تويعا ۇلاسىپتى.

 ...وسى اڭگىمەنىڭ كەيىپكەرلەرى -  جانەركە مەن جاندوس بۇگىندە باقىتتى وتباسى، ولار ءۇش بالانى تاربيەلەپ وسىرۋدە ەكەن.

ايتايىن دەگەنىم، قىز بالانى بۇرىن كورمەگەن- بىلمەگەن جىگىتتىڭ الىپ قاشقانىن ءوز باسىم قۇپتامايمىن. ويتكەنى وسى الىپ قاشۋدىڭ كەسىرىنەن تالاي قىزدار «قايتىپ كەلگەن» اتانباس ءۇشىن ءوزىنىڭ قالاعان جىگىتىنە بارا الماي قالادى، تالاي جاستىڭ جۇرەگى جارالانادى. نەگىزى ەكى جاستىڭ اراسىندا تانىستىق، سىيلاستىق، سەزىم، كەلىسىم دەگەندەر بولۋى كەرەك قوي. باقىتتى شاڭىراق قۇرعىسى كەلەتىندەردىڭ سولاي ەتكەنى دۇرىس دەپ ويلايمىن. وسىنى ءاربىر اتا- انا ۇيلەنۋگە تالاپتانىپ جۇرگەن ۇلدارىنىڭ قۇلاعىنا قۇيىپ قويسا ەكەن.

ال سۇيگەن ادامىنا ادالدىق تانىتقان جاندوس پەن جانەركەنىڭ ءىسىن ءوز باسىم ەرلىك، ادامگەرشىلىك دەپ باعالار ەدىم.

 راۋان ءومىرجان قىزى

 zamana.kz

سوڭعى جاڭالىقتار