12:37, 26 - قاڭتار 2017 | GMT +5
وتاناسى الەمدەگى ەڭ اياعى ۇزىن ايەل اتانعىسى كەلەدى - فوتو، كەسكىن
استانا. قازاقپارات - اۆستراليالىق بۇرىنعى مودەل، قازىر ەكى بالانىڭ اناسى كەرولاين ارتۋر ءوز اياقتارىنىڭ الەمدەگى ەڭ ۇزىن اياق ەكەنىنە سەنىمدى.

ايەلدىڭ شىن مانىندە اياعىنىڭ ۇزىندىعى سونشالىق، ونىڭ سانى مەن وكشەسى ارالىعى 130 سانتيمەتر.
مۇنداي اياقتاردىڭ وعان قاراپايىم تىرلىكتە كەدەرگى كەلتىرەتىنىنە قاراماستان، ول وسى ەرەكشەلىگىمەن ماقتانادى.
دەنە تۇرقىنىڭ بيىك بولۋىنا ۇلەسىن قوسىپ تۇرعان اياقتارى ءۇشىن، ايەل گيننەس رەكوردتار كىتابى وكىلدەرىمەن كەزدەسكىسى كەلەدى.
ول وسىلايشا الەم بويىنشا رەسمي مويىندالۋدى كوزدەپ وتىر.