ەلجان ءبىرتانوۆ ق ر دەنساۋلىق ساقتاۋ ءمينيسترى بولىپ تاعايىندالدى

استانا. قازاقپارات - مەملەكەت باسشىسىنىڭ جارلىعىمەن ەلجان ءبىرتانوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى بولىپ تاعايىندالدى. بۇل تۋرالى اقوردانىڭ باسپا ءسوز قىزمەتىنەن حابارلاندى.

***

ە. ا. ءبىرتانوۆتى قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىنە تاعايىنداۋ تۋرالى

ەلجان امانتاي ۇلى ءبىرتانوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى بولىپ تاعايىندالسىن.

قازاقستان رەسپۋبليكاسىنىڭ

 پرەزيدەنتى ن. نازاربايەۆ

***

 ءبىرتانوۆ ەلجان امانتاي ۇلى- 1971 - جىلى تاراز قالاسىندا تۋعان. ول الماتى مەديتسينالىق ينستيتۋتىندا، اريزونا شتاتىنىڭ ۋنيۆەرسيتەتىندە، رەسەي مەديتسينالىق ديپلومنان كەيىنگى ءبىلىم اكادەمياسىندا، شاريتە ۋنيۆەرسيتەتتىك كلينيكاسىندا (گەرمانيا)، تۇران ۋنيۆەرسيتەتىندە،

Duke University, Fuqua School of Business (АҚШ), Global Executive MBA ماگيستراتۋراسىندا ءبىلىم العان.

 ول الماتى قالاسىنداعى جەدەل مەديتسينالىق كومەك كورسەتۋ ەمحاناسىنىڭ دارىگەر- رەانيماتولوگى، رەسپۋبليكالىق توكسيكولوگيا ورتالىعىنىڭ جەتەكشىسى، ق ر دەنساۋلىق ساقتاۋ مينيسترلىگىنىڭ باس توكسيكولوگى، ق ر دەنساۋلىق ساقتاۋ مينيسترلىگى «دەنساۋلىق ساقتاۋ سالاسىن دامىتۋ ينستيتۋتى» ر م م ديرەكتورى، ق ر پرەمەر- ءمينيسترىنىڭ كەڭەسشىسى، «ۇلتتىق مەديتسينالىق حولدينگ» ا ق باسقارما باسشىسىنىڭ ورىنباسارى، ق ر دەنساۋلىق ساقتاۋ ۆيتسە- ءمينيسترى، سونداي- اق، «ۇلتتىق مەديتسينالىق حولدينگ» ا ق باسقارما باسشىسى قىزمەتتەرىن اتقارعان. 2014 - جىلدىڭ مامىر ايىندا مەملەكەتتىك- جەكە مەنشىك سەرىكتەستىك جوبالارىن سۇيەمەلدەۋ ورتالىعىنىڭ باسقارما باسشىسى بولىپ تاعايىندالعان بولاتىن. ق ر ۇكىمەتىنىڭ 2015 -جىلى 9  - قازاندا ق ر دەنساۋلىق ساقتاۋ جانە الەۋمەتتىك دامۋ ءبىرىنشى ۆيتسە- مينيستر قىزمەتىن اتقارعان. قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى. مەديتسينا عىلىمدارىنىڭ دوكتورى.