06:36, 24 - قاڭتار 2017 | GMT +6
استانا پروتسەسىنىڭ العاشقى كۇنى ءساتتى اياقتالدى
استانا. قازاقپارات - استانادا ءوتىپ جاتقان سيريا ماسەلەسىن رەتتەۋ جونىندەگى كەلىسسوزدەردىڭ ءبىرىنشى كۇنى ءساتتى ءوتتى، دەپ حابارلادى ر ف دەلەگاتسياسىنىڭ باسشىسى الەكساندر لاۆرەنتيەۆ.
بۇل تۋرالى ريا نوۆوستي جازادى. «ءبىز بۇگىنگى كەلىسسوز وتە ءساتتى ءوتتى دەپ سانايمىز. وتكەن جىلدىڭ 29 -جەلتوقسانىندا قول قويىلعان كەلىسىمگە گارانت بولعان ءۇش ەلدىڭ قاتىسۋمەن، سونداي- اق ب ۇ ۇ حاتشىلىعىنىڭ وكىلى ستاففان دە ميستۋرا مەن قازاقستانداعى ا ق ش ەلشىسىنىڭ، سار دەلەگاتسياسى مەن سيريا قارۋلى وپپوزيتسياسى وكىلدەرىنىڭ قاتىسۋىمەن وتكەن كەزدەسۋ اسا ماڭىزدى دەپ باعالايمىن»، - دەدى لاۆرەنتيەۆ جۋرناليستەرگە.
ونىڭ مالىمەتىنشە، استاناداعى سيريا ماسەلەسى بويىنشا كەلىسسوزدىڭ قورىتىندى مالىمدەمەسىنىڭ ءماتىنى كەلىسىلىپ جاتىر. ونى بەيسەنبى كۇنى قاتىسۋشىلارعا تانىستىرىپ، ناقتى بەكىتەدى.
