استانا پروتسەسى قازاقستان مەن رەسەيدىڭ سىرتقى ساياسي ۆەدومستۆو باسشىلارى كەزدەسۋىنىڭ وزەكتى تاقىرىبىنا اينالدى

قازاقستان مەن رەسەيدىڭ سىرتقى ساياسي ۆەدومستۆو باسشىلارى ەكى ەلدىڭ قارىم- قاتىناسى مەن ەكىجاقتى ىنتىماقتاستىق ماسەلەلەرىنىڭ كەڭ اۋقىمداعى ماسەلەلەرىن تالقىلادى، سونداي-اق كۇن تارتىبىندەگى وڭىرلىك جانە حالىقارالىق وزەكتى ماسەلەلەر توڭىرەگىندە پىكىر الماستى.
قازاقستاننىڭ اعىمداعى جىلدىڭ 1 -قاڭتارىنان باستاپ بۇۇ قاۋىپسىزدىك كەڭەسىندەگى تۇراقتى ەمەس مۇشەسى ەكەندىگىن ەسەپكە الا وتىرىپ، تاراپتار ەكى ەلدىڭ ب ۇ ۇ اياسىنداعى، سونىمەن قاتار وڭىرلىك ۇيىمدار - ت م د، ە ا ە و، ۇ ق ش ۇ، ش ى ۇ جانە ا و س ش ك اۋقىمىنداعى ىنتىماقتاستىقتى تالقىلادى.
كەلىسسوزدەردىڭ سوڭىندا ق. ءابدىراحمانوۆ پەن س. لاۆروۆ 2017-2018 -جىلدارعا ارنالعان ەكى ەلدىڭ سىرتقى ساياسي ۆەدومستۆو اراسىنداعى ىنتىماقتاستىق جوسپارىنا قول قويدى، سونىمەن قاتار كەزدەسۋدەن كەيىن باسپا ءسوز ءماسليحاتىندا باق سۇراقتارىنا جاۋاپ بەردى.
ەسكە سالا كەتەيىك، بۇل - ەكىجاقتى ۇلگىدەگى ق ر سىرتقى ىستەر ءمينيسترى ق. ءابدىراحمانوۆتىڭ العاشقى شەتەلدىك ساپارى. ول رەسەيدىڭ سىرتقى ساياسي ۆەدومستۆو باسشىسى سەرگەي لاۆروۆتىڭ شاقىرتۋىمەن وتۋدە.