رەسەي «توپول- م» قۇرلىق ارالىق بالليستيكالىق زىمىرانىن سىنادى

استانا. قازاقپارات - رەسەي «پلەسەتسك» كوسمودرومىنان كامچاتكا تۇبەگىندەگى پوليگوندا ورنالاسقان شارتتى نىساناعا «توپول- م» قۇرلىق ارالىق بالليستيكالىق زىمىرانىن اتتى.
None
None

«زىمىراننىڭ وقۋ- جاتتىعۋعا ارنالعان اسكەري بولىگى پوليگونداعى شارتتى نىسانانى اسقان دالدىكپەن اتىپ ءتۇسىردى. بۇل ۇشىرىلىم اتالعان تيپتەگى قۇرلىق ارالىق بالليستيكالىق زىمىرانداردىڭ ۇشۋ- تەحنيكالىق ساپاسىنىڭ تۇراقتىلىعىن تەكسەرۋ ماقساتىمەن جاسالدى» دەلىنگەن رەسەي قورعانىس مينيسترلىگىنىڭ حابارلاماسىندا.

شاحتاعا ورناتىلاتىن ءۇش ساتىلى، قاتتى وتىنمەن ۇشىرىلاتىن زىمىران مەن ونىڭ موبيلدى موديفيكاتسياسىن ماسكەۋ جىلۋتەحنيكاسى ينستيتۋتى جاساپ شىعارعان. زىمىراندى سىناقتان وتكىزۋ 1994 -جىلى باستالعان، ال ونىڭ شاحتاعا ورناتىلاتىن ءتۇرى قورعانىس ساپىنا 2000 -جىلى قوسىلعان.

زىمىراننىڭ ۇشۋ قاشىقتىعى 11 مىڭ كيلومەترگە جەتەدى. زىمىراننىڭ ۇشىرىلاتىن كەزدەگى سالماعى 46,5 توننا، جەرگە تۇسكەندەگى سالماعى 1,2 توننانى قۇرايدى جانە ءبىر وقتۇمسىقتى الىپ ۇشادى.

«ازاتتىق» جاڭالىقتارى

سوڭعى جاڭالىقتار