مۇسىلماندار اتاقتى اكتريسانىڭ يسلام ءدىنىن قابىلداۋىمەن قۇتتىقتادى

استانا. قازاقپارات - جەلى قولدانۋشىلارى امەريكالىق اتاقتى اكتريسا ليندسي لوحاننىڭ پاراقشاسىنان ەسكى سۋرەتتەرىن ءوشىرىپ تاستاعانىن بايقادى. اكتريسا مۇسىلمانشا «الەيكۋم سالام» دەپ جازعان.
None
None

اقىرىندا جەلى قولانۋشىلارى ونى يسلام ءدىنىن قابىلدادى دەپ شەشتى. الەم ەلدەرىنىڭ مۇسىلماندارى ونىڭ وسىلايشا جاڭا ءومىر باستاۋىمەن قۇتتىقتاپ، اق تىلەكتەرىن جاۋدىردى.

«بۇل مۇسىلمان ءۇشىن ەڭ كەرەمەت جاڭالىق. اللاعا ماداق. اللا ونىڭ جولىن جەڭىلدەتسىن»، «مەنىڭ تىلەگىمدى قابىل ال. سەن ەندى جاڭا ءومىر باستادىڭ. اللا سەنىڭ ءتۇزۋ جولدا ءجۇرۋىڭدى ءناسىپ ەتسىن» دەگەن پىكىرلەر جازىلدى.

كەي قولدانۋشى اكتريسانىڭ بۇلاي جاساعانىن قالامادى.

«بۇل جاعداي شىنىندا دا ليندسي لوحاننىڭ باسىنان ءوتىپ جاتىر ما؟ بۇل قالجىڭ ەمەس پە؟ مۇمكىن ونىڭ پاراقشاسىن الدەكىم بۇزعان شىعار»، -  دەپ جازادى جەلى

بىلتىرعى جىلدىڭ جەلتوقسان ايىندا اكتريسا تۇركياداعى بوسقىندار لاگەرىنە بارىپ قايتتى.

«جاپا شەككەندەرگە كومەكتەسۋىم ءۇشىن مەنى ەشقانداي سوعىس توقتاتا المادى جانە توقتاتا المايدى دا»، -  دەدى ول.

لوحان «لوۆۋشكا دليا روديتەلەي»، «چۋموۆايا پياتنيتسا»، «درياننىە ديەۆچونكي»، «سۋماسشەدشيە گونكي»، «پوتسەلۋي نا ۋداچۋ»، «كرۋتايا دجوردجيا» فيلمدەرى ارقىلى تانىمال. ونىڭ 5 ميلليون قولدانۋشىسى بار.

سوڭعى جاڭالىقتار