ەكس-مينيستر قۋاندىق بيشىمبايەۆ تۇتقىندالدى

«12- قاڭتار كۇنى استانا ق. الماتى اۋدانىنىڭ 2№ اۋداندىق سوتى قۋاندىق بيشىمبايەۆقا قاتىستى «تۇتقىنداۋ» بۇلتارتپاۋ شاراسىن تاعايىندادى. بيشىمبايەۆ توپتارمەن الدىن الا كەلىسىپ، بىرنەشە رەت ءىرى كولەمدە پارا الدى دەپ ايىپتالۋدا. سوتقا دەيىنگى تەرگەۋ جۇمىستارى جالعاسۋدا»، - دەلىنگەن حابارلامادا.
10- قاڭتار كۇنى سىبايلاس جەمقورلىققا قارسى كۇرەس ۇلتتىق بيۋروسى ءمينيستردىڭ ۇستالعانىن حابارلاعان ەدى. ول توپتارمەن الدىن الا كەلىسىپ، بىرنەشە رەت ءىرى كولەمدە پارا الۋ كۇدىگىمەن قاماۋعا الىندى. تەرگەۋشىلەردىڭ تۇجىرىمىنشا، زاڭسىز تۇردە الىنعان اقشالاي قاراجاتتى بيشىمبايەۆ ءوز قاجەتىنە جۇمساعان.
قۋاندىق بيشىمبايەۆتىڭ ورنىنا قازاقستان رەسپۋبليكاسىنىڭ جاڭا ۇلتتىق ەكونوميكا ءمينيسترى بولىپ تيمۋر سۇلەيمەنوۆ تاعايىندالدى. ەلباسى نۇرسۇلتان نازاربايەۆ ەلىمىزدىڭ سىرتقى ىستەر مينيسترلىگىنىڭ باسشىلىق قۇرامىمەن كەزدەسۋ كەزىندە ۇلتتىق ەكونوميكا مينيسترلىگىندە بولىپ جاتقان كادرلىق اۋىس-ءتۇيىس جايلى ايتتى.
«مينيستر قۋاندىق بيشىمبايەۆ «بايتەرەك» حولدينگىندەگى قىزمەتىنە قاتىستى تۋىنداعان ماسەلەلەرگە بايلانىستى ورنىنان بوسادى. قازىرگى ساتتە وعان قاتىستى تەرگەۋ شارالارى ءجۇرىپ جاتىر»، - دەدى مەملەكەت باسشىسى.