لاس-ۆەگاس ىشىندە وزدىگىنەن جۇرەتىن اۆتوبۋس جولاۋشى تاسىمالدايدى

ادام باسقارۋىنسىز قوزعالاتىن شاتتلعا 10 جولاۋشىعا دەيىن سيادى. ول ساعاتىنا 43 شاقىرىمدىق جىلدامدىقپەن جۇرە الادى، الايدا قاۋىپسىزدىكتى قامتاماسىز ەتۋ ماقساتىندا ازىرگە جىلدامدىعىن ساعاتىنا 19 شاقىرىمنان اسىرماۋدا. ەكسپەريمەنت 20 -قاڭتارعا دەيىن سوزىلادى، اۆتوبۋس كۇن سايىن تۇراقتى تۇردە قالا ورتالىعىنان فريمونت- ستريتكە دەيىن 10 نان 18 ساعاتقا دەيىن قاتىنايدى. سىناق ۋاقىتىندا جول اقىسى تەگىن بولادى.
«بىزگە جىل سايىن 40 ميلليون قوناق كەلەدى، سوندىقتان ورتالىقتاعى جول قوزعالىسىندا كەپتەلىس كوپ. ءبىز ادامداردىڭ ءتيىمدى جۇرۋلەرى ءۇشىن ۇزاق ەڭبەك ەتتىك»، - دەپ ءمالىم ەتتى لاس- ۆەگاستاعى قوعامداستىقتى دامىتۋ بويىنشا اتقارۋشى ديرەكتورى حورحە سەرۆانتەس.
ەگەر Arma شاتتلى قاۋىپسىز بولسا، بيلىك 2017 -جىلدىڭ قىركۇيەگىنە دەيىن وسىنداي اۆتوبۋستاردىڭ بىرنەشەۋىن تۇراقتى شىعارىپ وتىرۋعا دايىن. Navya ۆيتسە- پرەزيدەنتى انري كورونانىڭ ايتۋىنشا، قالا ءۇشىن اۆتوبۋستىڭ اي سايىنعى شىعىنى 10 مىڭ دوللار كولەمىندە بولماق.