بۇگىن - «قازاق ادەبيەتىنىڭ» تۋعان كۇنى

 استانا. قازاقپارات - 1934 -جىلى 10 -  قاڭتاردا عابيت مۇسىرەپوۆتىڭ جەتەكشىلىگىمەن قازاقتىڭ ادەبيەت- مادەنيەت جانە ونەرىنە ارنالعان «قازاق ادەبيەتى» گازەتىنىڭ العاشقى سانى جارىق كوردى.
None
None

گازەت كەڭەس جازۋشىلارى قازاقستان كوميتەتىنىڭ ورگانى رەتىندە قۇرىلىپ، «قازاق ادەبيەتى» ۇلت مادەنيەتىن كوتەرۋدە ۇلكەن ورىن السىن!» دەگەن ۇرانمەن شىقتى. جىلدار وتە كەلە «قازاق ادەبيەتى» ەلدىڭ رۋحاني- مادەني دامۋىنا، وقىرمان اراسىنداعى ەستەتيكالىق تالعامنىڭ قالىپتاسۋىنا ايرىقشا ۇلەس قوسقان بەدەلدى باسىلىمعا اينالدى. ءار جىلدارى گازەتكە بەيىمبەت مايلين، ءسابيت مۇقانوۆ، سىرباي ماۋلەنوۆ، سايىن مۇراتبەكوۆ، شەرحان مۇرتازا، ورالحان بوكەي سىندى قازاقتىڭ ءبىرتۋار ازاماتتارى رەداكتورلىق ەتتى.

«قازاق ادەبيەتى» گازەتى 1940 - جىلى ءوز جۇمىسىن توقتاتتى جانە 1955 -جىلى 14 - قاڭتاردا قايتا اشىلدى، باس رەداكتورى بولىپ سىرباي ماۋلەنوۆ تاعايىندالدى. ون بەس جىلدىق ۇزىلىستەن كەيىن گازەت ر. بەردىبايەۆتىڭ، م. قاراتايەۆتىڭ، ت. كاكىشيەۆتىڭ ءتىل تۋرالى اسا وزەكتى ماقالالارىن جاريالاپ، قازاق قوعامىن ءدۇر سىلكىندىردى. 1956 - جىلى گازەت رەداكتورى س. ماۋلەنوۆ ورتالىق كوميتەت تاراپىنان جازالاندى.

 شەرحان مۇرتازا رەداكتور بولعان 80 - جىلدارى گازەت قالامگەرلەردىڭ شىعارماسىن تالداپ- تارازىلايتىن سىني ماتەريالدارمەن، جالىندى جۋرناليستەر تولقىنىمەن كوزگە ءتۇستى. بۇگىندە «قازاق ادەبيەتى» - بەلگىلى ادەبيەت، ونەر قايراتكەرلەرىنىڭ جاڭا شىعارمالارىن قالىڭ وقىرمانعا تانىستىراتىن ودان بولەك، وقۋ- اعارتۋ، ءبىلىم، عىلىم سالاسىنداعى كوكەيكەستى ماسەلەلەردى كوتەرەتىن ۇلتتىق باسىلىم.

اۆتور: ايجان سەرىكجان قىزى

سوڭعى جاڭالىقتار