11:41, 09 - قاڭتار 2017 | GMT +5
الماتىدا جاپون تاۋارلارىنىڭ ارزان دۇكەنى اشىلدى
الماتى. قازاقپارات - الماتىدا Miniso بەلگىلى جاپون برەندىنىڭ فرانشيزاسىمەن 2 دۇكەن اشىلدى. ساۋدا ورىندارىنىڭ ەرەكشەلىگى ىشىندەگى تاۋارلاردىڭ كوپشىلىگىنىڭ قۇنى 900 تەڭگەگە جەتپەيدى.

قالالىق كاسىپكەرلىك پەن يندۋستريالدى- يننوۆاتسيالىق دامۋ باسقارماسىنىڭ حابارلاۋىنشا، جاڭا نىساندار «اپورت» پەن «ماكسيما» ساۋدا ورىندارىندا ورنالاسقان. قاڭتاردا اتالعان برەندتىڭ دۇكەندەرى استانادا اشىلماق.
الەمدىك ريتەيلەر كوسمەتيكا، ەلەكتروندى قۇرالدار، تۇرمىستىق حيميا، ىدىس- اياق ساتۋمەن اينالىسادى. ايتا كەتۋ كەرەك، تاۋارلاردىڭ كوپشىلىگىنىڭ قۇنى 900 تەڭگەدەن اسپايدى. باسقارمادان حابارلاعانداي، الماتىدا قازىرگى تاڭدا شەتەلدىك كومپانيالاردىڭ قاتىسۋىمەن 14 مىڭ كومپانيا جۇمىس ىستەپ كەلەدى. 100-گە تارتا ەلدىڭ برەندى الماتى تۇتىنۋشىلارىنا تانىس. سونداي- اق، كەلەر جىلى الەمگە بەلگىلى ەكى قوناق ءۇي سالىنادى. بەلگىلى نەمىس برەندىنىڭ گيپەرماركەتى اشىلادى. سونىمەن قاتار، ءبىرقاتار ريتەيلەرلەرمەن كەلىسسوزدەر جۇرگىزىلۋدە.
اۆتور: الماس مۇقاش