قازاقستان العاش رەت ب ۇ ۇ قاۋىپسىزدىك كەڭەسى وتىرىسىنا قاتىستى
وتىرىس بارىسىندا 2017 -جىلدىڭ قاڭتار ايىنا ارنالعان قاۋىپسىزدىك كەڭەسىنىڭ جۇمىس باعدارلاماسى بەكىتىلدى. قازاقستاندىق دەلەگاتسيانى قازاقستان رەسپۋبليكاسىنىڭ ۋاقىتشا سەنىمدى وكىلى بارلىباي سادىقوۆ باستاپ باردى.
سول كۇنى قاۋىپسىزدىك كەڭەسىنە مۇشە بوليۆيا، ۇلى بريتانيا، ەگيپەت، يتاليا، قازاقستان، قىتاي، رەسەي، سەنەگال، ا ق ش، ۋكراينا، ۋرۋگۆاي، فرانسيا، شۆەتسيا جانە جاپونيانىڭ بارلىق دەلەگاتسيا جەتەكشىلەرىنىڭ ءداستۇرلى رەسمي كەزدەسۋى بولدى. شارا شۆەتسيا كورولدىگىنىڭ ۋاكىلدىگىندە بۇل ەلدىڭ تۇراقتى وكىلى، 2017 -جىلدىڭ قاڭتارىنان قاۋىپسىزدىك كەڭەسىن باسقاراتىن ولاف سكۋگتىڭ توراعالىعىمەن ءوتتى، دەپ حابارلايدى ق ر سىرتقى ىستەر مينيسترلىگى.
ب ۇ ۇ قاۋىپسىزدىك كەڭەسى مۇشەلەرىنىڭ الدىندا ءسوز سويلەۋ بارىسىندا ب. سادىقوۆ اتالعان ۇيىم جۇمىسىنداعى پريەۆەنتيۆتىك ديپلوماتيا جانە سەنىم شارالارىن نىعايتۋ، حالىقارالىق تەرروريزمگە قارسى كۇرەس، جاڭجالداردى رەتتەۋ جانە تاراتپاۋ سىندى قازاقستان ءۇشىن ماڭىزدى ماسەلەلەردى اتاپ ءوتتى.
وسى ورايدا ب. سادىقوۆ قازاقستان پرەزيدەنتى نۇرسۇلتان نازاربايەۆتىڭ 25 جىل بۇرىن بىرىككەن ۇلتتار ۇيىمىنىڭ قابىرعاسىندا جاريالاعان ازياداعى ءوزارا ىقپالداستىق جانە سەنىم شارالارى جونىندەگى كەڭەستى شاقىرۋ باستاماسىنىڭ ءساتتى جۇزەگە اسقانىن جانە ديالوگتىق فورۋمنىڭ ازيا قۇرلىعىنداعى قاۋىپسىزدىكتى نىعايتۋعا ەلەۋلى ۇلەس قوسىپ وتىرعانىن اتاپ ءوتتى.
بۇگىن كەڭەستىڭ سيريا (ەلدەگى حيميالىق قارۋ جاعدايى) جانە يراكتاعى (گۋمانيتارلىق اسپەكت) جاعداي جونىندە جابىق كونسۋلتاتسياسى وتەدى.
