ەلوردادا قازاق اۋىلى بوي كوتەرەدى
وسىعان وراي، مادەني- سپورتتىق شارالاردىڭ كەشەندى باعدارلاماسى ازىرلەندى، دەپ حابارلايدى «قازاقپارات» ح ا ا ءتىلشىسى مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
«اتالعان باعدارلامادا قازاق حالقىنىڭ تاريحى، مادەنيەتى مەن سالت- داستۇرلەرىن جان- جاقتى كورسەتۋ شارالارىنا باسىمدىق بەرىلەدى. وسىلايشا، «قازاقتىڭ ءداستۇرلى ونەرى» باعىتى بويىنشا «قازانات» يپپودرومىندا ەتنواۋىل سالىنادى. ول جەردە قىز قۋۋ، كوكپار، اۋدارىسپاق، بايگە، تۇيمە الۋ، الامان بايگە، اقسۇيەك، جامبى اتۋ، توقتى الۋ، جىگىت جارىس، جورعا جارىس، كۇمىس الۋ، تەڭگە الۋ، قازاق كۇرەسى، توعىزكۇمالاق، جەكپە- جەك، الىپسوق، ارقان تارتۋ، جۇدىرىقتاسۋ، اسىق اتۋ، حان دويبىسى جانە تاعى باسقا جارىستار ۇيىمداستىرىلادى. بۇدان بولەك، قازاقتىڭ ۇلتتىق تاعامدارى مەن قولونەر بۇيىمدارى كەڭىنەن تانىستىرىلادى»، - دەلىنگەن رەسمي حابارلامادا.
قولونەرشىلەر قىش، كيىز بەن زەرگەرلىك بۇيىمداردى سول جەردە جاساپ، كىلەم توقۋ مەن كەستە تىگۋ، اعاش، تەرى، سۇيەك وڭدەۋ جانە تاعى باسقا ۇلتتىق مۇرانىڭ ۇلگىلەرىن كورسەتەتىن بولادى.
اۆتور: ارمان اسقاروۆ
