قارعا ەستون ازاماتىنىڭ ءتولقۇجاتىن شەكارادا ۇرلاپ كەتتى
بۇل تۋرالى رەسەي سولتۇستىك- باتىس ف ك ق سايتىندا حابارلاندى. كولىك قۇرالدارىن كەدەندىك راسىمدەۋ امالدارى ءجۇرىپ جاتقان كەزدە ەستونيا ازاماتى ءتولقۇجاتىن كورسەتپەك بولىپ قولىنا الا بەرگەن كەزدە عايىپتان ساپ ەتە قالعان قارعا تىستەپ العان دا ۇشىپ كەتە بارعان. بۇل وقيعانى كەدەندىك بەكەتتىڭ لاۋازىمدى تۇلعالارى دا كورگەن. ولار ازاماتقا كومەكتەسپەككە نيەتتەنىپ، كينولوگتاردى قىزمەتتىڭ يتتەرمەن قوسا جۇمىلدىرعان ءبىراق قۇستى ۇستاۋ ارەكەتى ءساتسىز اياقتالدى. پوليتسيا ناريادى شاقىرىلىپ، ءتولقۇجاتتىڭ جوعالعاندىعى تۋرالى ءوتىنىش تولتىرىلدى. يۆانگورود پوليتسياسى ازاماتتى سانكت- پەتەربۋرگتاعى ەستوندىق كونسۋلدىققا جىبەردى. جاڭا قۇجاتتاردى العان سوڭ ول ۇيىنە ورالدى. ءبىر قىزىعى، ەكى كۇن وتكەننەن سوڭ ءتولقۇجات تابىلدى. قارعا ونى جاياۋ وتكىزۋ پۋنكتىنە جاقىن ماڭعا تاستاپ كەتكەن كورىنەدى. ءبىراق قۇس ونىڭ ءبىر بەتىن جۇلىپ العاندىقتان قۇجات جارامسىز بولىپ شىقتى.
