باستىرىلۋ دەگەن نە جانە ودان قۇتىلۋ ءۇشىن نە ىستەۋ كەرەك؟

نۇر- سۇلتان. قازاقپارات - كەي ادامدار ۇيىقتاعان كەزدە باستىرىلىپ قالادى. باستىرىلۋ دەگەن نە جانە ودان قۇتىلۋ ءۇشىن نە ىستەۋ كەرەك؟

باستىرىلۋ مەديتسينادا ۇيقى سالى دەپ اتالادى. دارىگەرلەر قان اينالىمىنداعى رەتسىزدىكتەردەن جانە پسيحولوگيالىق كۇيزەلىستەردەن تۋىندايتىندىعىن ءبىلدىرىپ بىلاي دەيدى: ۇيقى كەزىندە فيزيولوگيالىق سال جاعدايى بولادى، بۇلشىقەتتەر قيمىلداي المايدى. ادام ۇيقىدان ويانعان كەزدە ارەكەت ەتە المايدى، دىبىس شىعارا المايدى. ۇستىمىزدە اۋىر جۇك بارداي، بىرەۋ وتىرىپ العان سياقتى بولادى. ءبىرازدان سوڭ وزدىگىنەن وتەدى. مۇنداي جاعداي مەديتسينا تۇرعىسىندا اۋرۋعا جاتپايدى، سوندىقتان ەمدەلۋ جاعىن قاراستىرۋدى تالاپ ەتپەيدى. الايدا ۇيقى سالىنا ءتۇسۋدىڭ الدىن الۋ شارالارىن قاراستىرۋعا بولادى.

دارىگەرلەردىڭ ايتۋىنشا ادامداردىڭ ۇيقى سالىنا ءتۇسۋى مىنا جاعدايلارعا بايلانىستى: از ۇيىقتاۋ؛ ۇيقى ءتارتىبىنىڭ بۇزىلۋى؛ كۇيزەلىس جانە دەپرەسسيا؛ كەيبىر دارىلىك پرەپاراتتاردىڭ كەرى اسەرى؛ ۇيىقتار الدىندا دۇرىس تاماقتانباۋ؛ شالقاسىنان جاتۋ؛ يسلامي تۇرعىدان باستىرىلۋدان قۇتىلۋ ءۇشىن ۇيقى الدىندا دا نامازعا دايىندالعانداي دارەت الىپ جاتىڭىز.

Ummet.kz