10:37, 29 - جەلتوقسان 2016 | GMT +5
قىتايداعى قازاقتار وتكىزگەن ەرەكشە توي سەرۋەنى ەلدى تاڭعالدىردى- كەسكىن
استانا. قازاقپارات - قىتايداعى قازاقتار اراسىندا وتكەن ەرەكشە توي سەرۋەنى ەلدى تاڭعالدىردى، دەپ حابارلايدى قازاقپارات.
قىتايدىڭ wechat جەلىسىندە تاراعان بەينەجازبا قازاقتىڭ ەجەلگى تۇرمىس- تىرشىلىگىن كوز الدىڭىزعا اكەلگەندەي اسەر قالدىرادى. وندا، ۇيلەنىپ جاتقان قىز- جىگىت اقبوز اتقا ءمىنىپ، قاسىنا جورا- جولداستارىن ەرتىپ سەرۋەنگە شىققان. قاز- قاتار تىزىلەتىن قىمبات ماشينالاردىڭ ورنىنا ات شانالاردى كورۋگە بولادى. تۇلكى تىماق، قاسقىر ىشىك كيگەن قىز- جىگىتتەر تويدىڭ ءسانىن كەلتىرىپ تۇر.
جەلى قولدانۋشىلارى بۇل باستاماعا ريزاشىلىقتارىن ءبىلدىرىپ، ەكى جاسقا باقىت تىلەۋدە. «سوڭعى كەزدەرى قىتايداعى قازاقتار اراسىندا ءداستۇرلى توي سەرۋەندەرى كوبەيىپ كەلەدى. بۇل دا بولسا ۇلتىمىزدىڭ سالت- ءداستۇرىن ارداقتاۋدىڭ، ونى بۇگىنگى ۇرپاق ساناسىنا ءسىڭىرۋدىڭ ءبىر جولى بولار» ، - دەپ جازادى پىكىر بىلدىرۋشىلەر.
اۆتور: ريزابەك نۇسىپبەك ۇلى
