قايرات ءابدىراحمانوۆ ق ر سىرتقى ىستەر ءمينيسترى بولىپ تاعايىندالدى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ جارلىعىمەن قايرات ءابدىراحمانوۆ قازاقستان رەسپۋبليكاسى سىرتقى ىستەر ءمينيسترى بولىپ تاعايىندالدى، دەپ حابارلاندى اقوردانىڭ تۆيتتەرىندە.

ءابدراحمانوۆ قايرات قۇدايبەرگەن ۇلى تالدىقورعان وبلىسى پانفيلوۆ اۋىلىندا (قازىر - الماتى وبلىسى جاركەنت اۋىلى) دۇنيەگە كەلگەن. قازاق مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرگەن (1987). 1987-91 - قازاق پوليتەحنيكالىق ينستيتۋتىنىڭ تاريح ءپانى بويىنشا مۇعالىمى. 1991-93 - ق م ۋ اسپيرانتى. 1993-97 - قازاقستان سىرتقى ىستەر مينيسترلىگىنىڭ 3-، 2 - حاتشىسى، ءبولىم باستىعى، ازيا ەلدەرى باسقارماسى باستىعىنىڭ ورىنباسارى. 1997 - ق ر س ءى م ازيا ەلدەرى دەپارتامەنتى ديرەكتورىنىڭ ورىنباسارى. 1997-98 - ق ر س ى م ازيا، تاياۋ شىعىس جانە افريكا باسقارماسىنىڭ باستىعى، 4- دەپارتامەنت ديرەكتورىنىڭ ورىنباسارى. 1998-99 - سىرتقى ىستەر مينيسترلىگى 3- دەپارتامەنتى، ەكىجاقتى ىنتىماقتاستىق دەپارتامەنتىنىڭ ديرەكتورى. 1999-2001 - ق ر سىرتقى ىستەر ۆيتسە- ءمينيسترى. 2001-2003 -  ۇلى بريتانياداعى ق ر ەلشىلىگىنىڭ كەڭەسشى- ۋاكىلى. ءساۋىر، 2003 - ناۋرىز، 2006 - يزرايلداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى. 3 -ناۋرىز، 2006 - تامىز 2007 - ق ر سىرتقى ىستەر ۆيتسە-ءمينيسترى. تامىز، 2007 - قىركۇيەك، 2008 - اۆسترياداعى ق ر ەلشىسى - ە ق ى ۇ- داعى ق ر تۇراقتى وكىلى.

قاڭتار، 2008 - ە ق ى ۇ ەكونوميكالىق- ەكولوگيالىق كوميتەتىنىڭ ءتوراعاسى.

قىركۇيەك- جەلتوقسان، 2008 - ە ق ى ۇ مەن ۆەناداعى باسقا دا حالىقارالىق ۇيىمدار جانىنداعى ق ر تۇراقتى وكىلى. جەلتوقسان، 2008 - ناۋرىز، 2011 - ە ق ى ۇ جانىنداعى قازاقستاننىڭ تۇراقتى وكىلى. ناۋرىز، 2011 - اۆستريا رەسپۋبليكاسىنداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى، ۆەناداعى حالىقارالىق ۇيىمدار جانىنداعى قازاقستاننىڭ تۇراقتى وكىلى. 2- ساناتتى توتەنشە جانە وكىلەتتى ەلشى شەنىنە يە (2001).