13:32, 26 - جەلتوقسان 2016 | GMT +5
اۋعانستان استاناسىندا جارىلىس بولدى
استانا. قازاقپارات - سارسەنبى كۇنى تاڭەرتەڭ اۋعانستان استاناسى كابۋلدە جارىلىس بولدى.
پاجۆاك اگەنتتىگىنىڭ دەرەكتەرىنە سايكەس، اۋعاندىق پارلامەنت قىزمەتكەرىنىڭ بىرىنە قاستاندىق جاسالعان. زارداپ شەككەندەر جايلى مالىمەت ازىرگە تۇسپەگەن، دەپ حابارلايدى قازاقپارات.
TOLO News تەلەارناسى حابارلاعانداي، جارىلعىش قۇرىلعى فارۋكي بەحيشتي كولىگىندە ىسكە قوسىلعان، سالدارىنان ول جاراقات الدى. سونداي-اق ونىڭ وققاعارى قايتىس بولعانى حابارلانادى.
«ر ي ا نوۆوستي» اگەنتتىگى اتاپ وتكەندەي، اۋعانستانداعى جاعداي سوڭعى ۋاقىتتا ۋشىعا تۇسكەن. ەلدىڭ اۋىلدىق جەرلەرىنىڭ باسىم بولىگىن باسىپ العان «تاليبان» راديكالدىق توبى ءىرى قالالارعا شابۋىلداي باستادى. سونداي-اق اۋعانستان اۋماعىندا كوپتەگەن ەلدە تىيىم سالىنعان «يسلام مەملەكەتى» لاڭكەستىك توبىنىڭ ىقپالى دا ارتقان.
