10:31, 28 - جەلتوقسان 2016 | GMT +5
گەرمانيادا ميگرانتتار قاڭعىباستى جاعىپ جىبەردى
استانا. قازاقپارات - 6 سيريالىق پەن 1 ليۆيا ازاماتى كىسى ولتىرۋگە ۇمتىلدى دەپ ايىپتالىپ وتىر. تەرگەۋ مالىمەتتەرى بويىنشا، ميگرانتتار روجدەستۆو مەرەكەسى كۇنى تۇندە بەرلين مەتروسىندا ءۇيسىز- كۇيسىز جۇرگەن ازاماتتى جاعىپ جىبەرگەن،
دەپ حابارلايدى بي- بي- سي.
بۇل شابۋىلدان قاڭعىباس زارداپ شەككەن جوق. سول ايماقتا كەتىپ بارا جاتقان ادامدار ءورتتى ءسوندىرىپ، قاڭعىباستى امان الىپ قالدى. پوليتسيا قىزمەتكەرلەرى بەينەكامەراعا تۇسكەن كورىنىستەردى جاريا ەتكەن سوڭ، كۇدىكتى 6 ازامات بيلىك وكىلدەرىنە وزدەرى كەلىپ بەرىلگەن. ال، وسى وقيعانى ۇيىمداستىرۋشى ءۇيىنىڭ جانىنان ۇستالدى. كۇدىكتىلەردىڭ جاستارى 15 پەن 21- ءدىڭ ارالىعىندا. ولار بەرلينگە 2014-2015 -جىلدارى كەلىپ، وزدەرىنە «باسپانا» بەرۋدى سۇراعان.
