12:34, 25 - جەلتوقسان 2016 | GMT +5
راداردان جوعالىپ كەتكەن ر ف قورعانىس مينيسترلىگىنىڭ ۇشاعى اپاتقا ۇشىراعان
استانا. قازاقپارات - الدىن الا دەرەكتەر بويىنشا، رەسەي قورعانىس مينيسترلىگىنىڭ تۋ-154 ۇشاعىنىڭ سوچيدە قۇلاۋى تەحنيكالىق اقاۋلار جانە ۇشۋ كەزىندەگى قاتەلىك سالدارىنان بولعان، دەپ حابارلايدى ر ي ا نوۆوستي قارۋلى كۇشتەر دەرەككوزىنە سىلتەمە جاساپ.
«تۋ-154 ۇشاعىنىڭ قۇلاۋى اۋە كەمەسىندەگى تەحنيكالىق اقاۋلار جانە ۇشۋ كەزىندەگى قاتەلىك سالدارىنان بولدى دەگەن نۇسقا بار»، - دەپ ايتقان اگەنتتىكتىڭ دەرەككوزى.
رەسەي قورعانىس مينيسترلىگىنىڭ باسپا ءسوز قىزمەتى حابارلاعانداي، ادلەر ايرودرومىنان جوسپارلىق ۇشۋ جاساۋ بارىسىندا تۋ-154 ۇشاعى راداردان جوعالىپ كەتكەن. ۇشاقتىڭ بورتىندا 83 جولاۋشى مەن ەكيپاجدىڭ 8 مۇشەسى بولعان. باسپاءسوز قىزمەتى مالىمدەگەندەي، جوعالعان تۋ-154 ۇشاعىندا اسكەري قىزمەتكەرلەر، سونىمەن قاتار الەكساندروۆ اتىنداعى انسامبل ارتىستەرى مەن رەسەيلىك ب ا ق- تىڭ توعىز وكىلى بولدى. لاينەردى ىزدەۋ جۇمىستارىن كراسنودار ولكەسى مەن كورشى وڭىرلەردەگى وڭتۇستىك اسكەري وكرۋگى اۋە بولىمشەلەرىنىڭ بارلىق ىزدەۋ- قۇتقارۋ قىزمەتى جۇرگىزۋدە.
