گولوۆكين الەمدەگى ەڭ قاۋىپتى بوكسشىلار رەيتينگىنە كىردى

استانا. قازاقپارات - WBA (Super)، IBO، WBC جانە IBF نۇسقالارى بويىنشا ورتا سالماقتاعى الەم چەمپيونى گەننادي گولوۆكين (36-0, 33 ك و) الەمدەگى ەڭ قاۋىپتى بوكسشىلار تىزىمىندە ەكىنشى ورىنعا جايعاستى، - دەپ حابارلايدى Vesti.kz.

توپ-5 ءتىزىمىن НВО ارناسىنىڭ كوممەنتاتورى دجيم لەمپلي جاسادى.

«گەننادي گولوۆكين - ءبىزدىڭ زامانىمىزدىڭ ەڭ مىقتى بوكسشىسى. ول قارسىلاستارىنا وزىنە سوققى جاساۋعا مۇمكىندىك بەرەدى، كەي كەزدەرى ول ماڭدايىنان وسىلايشا سوققىلار الىپ جاتادى»، - دەدى لەمپلي ءوزىنىڭ The Fight Game with Jim Lampley باعدارلاماسىندا.

HBO ارناسىنىڭ جۇرگىزۋشىسى ءبىرىنشى ورىنعا ۋكراينالىق ۆاسيلي لوماچەنكونى (7-1, 5 ك و) قويعان. «ول ءوز ومىرىندە ەڭ قاۋىپتى قارسىلاسپەن شارشى الاڭعا شىعىپ، ءبىر سوققى دا تيگىزبەي، كەرەمەت سوققىلار جاسادى. ول وسى ارەكەتىمەن، قازىرگى ۋاقىتتا ونى جەڭۋ - قيىنعا سوعاتىنىن دالەلدەدى»، - دەدى ول.

سونىمەن قاتار، ۇزدىك بەستىككە - نيكاراگۋالىق رومان «چوكولاتيتو» گونسالەس، امەريكالىق اندرە ۋورد جانە رەسەيلىك سەرگەي كوۆاليەۆ كىردى.