07:07, 20 - جەلتوقسان 2016 | GMT +5
انكارادا قارۋلى شابۋىلدان كەيىن رەسەي ەلشىسى كوز جۇمدى - فوتو
استانا. قازاقپارات - انكاراداعى رەسەي فەدەراتسياسىنىڭ ەلشىسى اندرەي كارلوۆ جاسالعان قارۋلى شابۋىلدان كەيىن كوز جۇمدى.
شابۋىل ەلشى فوتوكورمەنىڭ اشىلۋىنا قاتىسىپ جاتقان كەزدە ورىن العان. Hurriyet باسىلىمىنىڭ جازۋىنشا، وقيعا ر ف ەلشىسىنىڭ قۇتتىقتاۋ ءسوز سويلەۋى بارىسىندا بولدى. ديپلومات اۋىر وق جاراقاتتارىمەن اۋرۋحاناعا جەتكىزىلدى.
ءبىراق دارىگەرلەر ونىڭ ءومىرىن ساقتاپ قالا المادى. BBC- ءدىڭ جازۋىنشا، شابۋىل بارىسىندا تاعى بىرنەشە ادام جاراقاتتاندى. ايتا كەتەيىك، سوڭعى ۋاقىتتا تۇركيادا سيرياداعى رەسەيلىك ساياساتقا قارسى اكسيالار ءجيى ءوتىپ تۇردى. كوپ ۇزاماي ينتەرنەتتە جاسالعان شابۋىلدىڭ ۆيدەوسى پايدا بولدى. وندا ەر ادام قۇتتىقتاۋ ءسوز سويلەپ تۇرعان ەلشىگە وق اتقاننان كەيىن، فوتوكورمەگە جينالعاندارعا قارۋ كەزەپ، ءوز تىلىندە الدەنەنى ايتىپ، ايعايلايدى.
كوز ۇزاماي پوليتسەيلەر قاسكويدىڭ كوزىن جويدى. بىرەر ساعاتتان كەيىن ۆيدەو جەلىدەن الىنىپ تاستالدى.
