ەسىموۆ تراكتورشىلار مەن كومباينشىلاردىڭ شاي سۇراعان كەزدەرى تۋرالى ايتىپ بەردى
دەپ حابارلايدى قازاقپارات.
«مەنىڭ ەسىمە توقسانىنشى جىلدارداعى ءبىر وقيعا ءتۇسىپ وتىر. ول كەزدە گورباچيەۆ شەت ەلدەردى ارالاپ، گۋمانيتارلىق كومەك سۇراپ جۇرەتىن. ءبىر كۇنى ءسىز (نۇرسۇلتان نازاربايەۆ - اگەنتتىك) تەلەفون سوعىپ، ماعان «ماسكەۋگە بار» دەدىڭىز. مەن ول كەزدە مەملەكەتتىك اگرارلىق ونەركاسىپ باسشىسىنىڭ ءبىرىنشى ورىنباسارىمىن. «اۆستراليا بىزگە جيىرما مىڭ قوي ءبولىپ وتىر» دەدىڭىز. ماسكەۋگە بارىپ ەسەپتەسەك، ول قويدى سوناۋ اۆستراليادان مىنا جەرگە الىپ كەلۋ گەرمانيادان ەت ساتىپ الۋدان دا قىمبات ەكەن. ال ماسكەۋلىكتەر: «ول ساياسي شەشىم، باس حاتشىنىڭ شەشىمى، سوندىقتان، ول قويدى الاسىڭدار» دەدى. سوسىن، سىزگە حاباردى جەتكىزدىم، ءسىز «ەشكىمدى تىڭداما، قايت» دەدىڭىز. سول كەزدەگى «الدىمەن ەكونوميكا» دەگەن ءبىر اۋىز ءسوزىڭىز ءالى كۇنگە دەيىن ىسكە اسىپ كەلە جاتىر»، - دەدى ا. ەسىموۆ «تاۋەلسىزدىك تاعىلىمى» اتتى تەلەجوبا كەزىندە.
احمەتجان ەسىموۆ سونداي- اق ەگەمەندىك جىلدارى كەزىندەگى ەگىستىكتەگى قيىن جاعدايعا دا توقتالدى.
«قيىن كەزەڭ بولدى. ەگىس وڭىرلەرىنە كەلسەك، تراكتورشىلار مەن كومباينشىلار الدىمەن «تەمەكى اكەلدىڭ با، جوق پا دەپ سۇرايدى. ال، وڭتۇستىكتە شاي سۇرايدى. سونداي قيىن- قىستاۋ كەزەڭ بولدى»، - دەپ ەسكە الدى ا. ەسىموۆ.
اۆتور: كەنجەكەي توقتامۇرات قىزى
