ىشتەگى نارەستەنىڭ جىنىسىن قالاي انىقتاۋعا بولادى؟

 استانا. قازاقپارات - وتاندىق دارىگەر ىشتەگى ءسابيدىڭ جىنىسىن انىقتاۋعا كومەكتەسەتىن پايدالى كەڭەستەرىن ءبولىستى.

بۇل تۋرالى «انا بول» سايتىندا جازىلدى.

«قۇرساقتاعى ءسابيدى ۋدز (ۋزي) ارقىلى انىقتاۋ جۇكتىلىكتىڭ 15-16 اپتاسىندا جۇزەگە اسادى. ياعني، تاجىريبەلى ۋدز دارىگەرى جوبالاپ بالانىڭ جىنىسىن انىقتاي الادى. بالانىڭ بەينەسى كورىنە باستاعان ۋاقىتتا جانە دە تولعاق الدىندا دا تەكسەرىلەدى. بالا جىنىسىن انىقتاۋدىڭ تاعى دا ءبىر وڭتايلى ءتاسىلى بار. ەگەر دە اتا- انا بالانىڭ جىنىسىن ەرتەرەك بىلگىسى كەلگەن جاعدايدا بيوپسيا حوريون ءادىسىن قولدانۋعا بولادى. حوريون دەگەنىمىز بولاشاق ۇرىق، ياكي جۇكتىلىك مەرزىمىنىڭ 8-9-ايىندا، 12-ايعا شەيىن ۋدز باقىلاۋمەن ۇرىق جولداستى كىشكەنتاي ارنايى قىسقىشپەن الادى.

سودان بارىپ گەنەتيك مامان حروموسوما جيىنتىعىن، حروموسوما قۇرامىن، وزگەرىستەر، اۋىتقۋلاردى انىقتاي وتىرىپ،  ⅩⅩ حروموسوما قىز بولسا، حۋ - ۇل دەگەن سياقتى ناتيجە شىعارۋ ارقىلى 100 پايىز ناقتىلىقپەن ورىندالاتىن ءتاسىل. سونىمەن قاتار، اتالمىش ءادىس گەنەتيكالىق ، داۋن سيندرومى، تۇقىم قۋالاۋشىلىق سىندى اۋرۋلار ورىن العان جاعدايدا كومەگى زور، بىردەن انىقتاپ بەرەدى. بيوپسيا حوريون ءادىسى دارىگەر كەڭەسىمەن ورىنداۋعا ۇسىنىلادى»، - دەيدى جوعارى ساناتتى گينەكولوگ دارىگەر، مەديتسينا عىلىمدارىنىڭ كانديداتى نۇريا ءماجىت قىزى.

 «حالىق ايتسا قالىپ ايتپايدى» . نارەستەنىڭ جىنىسىن انىقتايتىن ءادىس- تاسىلدەر دە ەل اۋزىندا. بۇل ءادىستى قولدانىپ كورگەندەر دە از ەمەس ەكەن. دەسە دە، سايكەس كەلىپ جاتاتقاندارى دا بار. ول ءۇشىن جۇكتى بولىپ قالعان ايدىڭ، ياعني ەتەككىر توقتاعان ۋاقىتتى الىپ، وعان اياعى اۋىر بولعان كەزەڭدەگى جاس مولشەرىن قوسۋ ارقىلى انىقتالادى. مىسالى قازان ايى - 10, ايەل جاسى- 24. سوسىن سانداردى قوسامىز دا شىققان قوسىندىعا 1 ءدى قوسامىز. 10+24+1=35 ەگەر، تاق سان شىقسا ۇل، جۇپ سان شىقسا قىز دەسەدى.

سىرتقى كەلبەت

ەگەر، جۇكتى انانىڭ بەتىنە بەزەۋ، داقتار كوبەيىپ كەتسە وندا سۇلۋلىقتى ىشتەگى بالا الىپ، ونىڭ جىنىسىن قىزبەن بايلانىستىرادى. ال كەلىنشەك اياعى اۋىر كەزدە قۇلپىرا تۇسسە وندا ۇل كۇتەدى دەگەن نانىم بار.

ءىش ءپىشىنى

ەگەر، ءىشتىڭ كولەمى جالپاق بولسا قىز. ءسۇيىر، شىعىڭقى بولىپ كەلسە ۇل بولادى.

تاماق جەۋ

جۇكتىلىك كەزەڭدە ايەلدى قىشقىل، اشى نارسەگە تارتسا ۇل بولادى، ەگەر، ءتاتتى جاقسى كورسە قىز بولادى دەپ تە جاتادى. تابەتى اشىلىپ، تاماق جەۋگە قۇمارتىپ جۇرسە وندا ۇل دەگەن بولجام جاساپ جاتادى.

جۇرەك اينۋى

العاشقى ايلاردا بولاشاق انانىڭ جۇرەگى ايني بەرسە قىز دەپ ايتادى. ساراپتاما ناتيجەسى بويىنشا كوپتەگەن كەلىنشەكتەر وسى جورامالدى راسقا شىعاردى. زەرتتەي كەلە قىز بالا اناسىنىڭ قۇرساعىندا جاتىپ، گورمونالدى فونعا اسەر ەتەتىندىكتەن ايەلدەردە السىزدىك بولادى ەكەن.

الايدا، جوعارىدا كورسەتىلگەن ادىستەر دە، انىقتاۋعا كومەكتەسەر تاسىلدەر دە ناقتى سايكەس كەلمەي جاتسا مۇڭايۋدىڭ قاجەتى جوق. جىنىسى قانداي بولسا دا ءسابي ءتاڭىرىم بەرگەن ءتاتتى سىي، تاماشا تارتۋ ەمەس پە؟ !