10:44, 17 - جەلتوقسان 2016 | GMT +5
پان گي مۋن بىرىككەن ۇلتتار ۇيىمىنىڭ سيريا حالقىنىڭ سەنىمىن اقتاي الماعاندىعىن مويىندادى
استانا. قازاقپارات - ب ۇ ۇ- نىڭ باس حاتشىسى پان گي مۋن ءوزىنىڭ وسى لاۋازىمداعى سوڭعى باسپا ءسوز ءماسليحاتىندا حالىقارالىق ۇيىمنىڭ سيريا حالقىنىڭ ءۇمىتىن اقتاي الماعاندىعىن ايتتى.
بۇل تۋرالى ر ي ا نوۆوستي حابارلادى.
«الەپپو ەندى «توزاق» دەگەن ۇعىمنىڭ سينونيمى بولادى، دەدى ول.
«ءبىزدىڭ بارلىعىمىز سيريا حالقىنىڭ ءۇمىتىن اقتاي المادىق. بەيبىتشىلىك وعان شىن جانىڭ اشىپ، ادام توزگىسىز جيىركەنىشتى قىلمىستارعا، ادىلەتسىزدىككە زور جاۋاپكەرشىلىكپەن قاراعاندا عانا سالتانات قۇرادى»، - دەدى پان گي مۋن.
وسىعان دەيىن 16 - جەلتوقسان، جۇما كۇنى سيريا اسكەرى الەپپونىڭ شىعىس ورامدارىن تازارتۋ جۇمىستارىن اياعىنا جەتكىزدى. ءوز كەزەگىندە بۇل جاعداي سيرياداعى قاقتىعىستاردى بەيبىت جولمەن رەتتەۋگە مۇمكىندىك بەردى دەپ مالىمدەدى ر ف ءا ك باس شتابىنىڭ باس جەدەل باسقارماسىنىڭ باستىعى گەنەرال- لەيتەنانت سەرگەي رۋدسكوي.
