09:52, 17 - جەلتوقسان 2016 | GMT +5
مەن باقىتتى ساياساتكەرمىن - نازاربايەۆ
استانا. قازاقپارات - «تاۋەلسىزدىك تاعىلىمى» اتتى تەلەجوبا بارىسىندا ەلباسى نۇرسۇلتان نازاربايەۆ ءوزىن باقىتتى ساياساتكەر سانايتىندىعىن ايتتى، دەپ حابارلايدى قازاقپارات.
«بيلىككە ۇمتىلعان كەز كەلگەن ساياساتكەر، اسىرەسە ول ەلدىڭ ەڭ جوعارى بيلىگىنە ۇمىتكەر بولسا، وندا ول قانداي جوسپارى بارلىعىن، نە ىستەگىسى كەلەتىندىگىن، مەملەكەت پەن حالىقتى قانداي بيىكتەرگە شىعارعىسى كەلەتىندىگىن ويلاۋى ءتيىس. ەگەر ول ونى ورىنداي الاتىن بولسا، وندا ول باقىتتى ساياساتكەر. جاسىرمايمىن، مەن سونداي ساياساتكەرمىن. ول ءۇشىن تاعدىرىما جانە بىرگە جۇمىس ىستەگەندەردىڭ بارلىعىنا ريزاشىلىعىمدى بىلدىرەمىن»، - دەدى ەلباسى.
مەملەكەت باسشىسى ەندىگى ۋاقىتتا 25 جىل بولعان تاۋەلسىزدىگىمىزدىڭ ەپوپەياسىن ارى قاراي قالاي جالعاستىرۋ قاجەتتىگىن اتاپ ءوتتى. بۇل رەتتە قازاقستاننىڭ باستى ماقساتى الەمنىڭ ەڭ دامىعان 30 ەلىنىڭ قاتارىنا قوسىلۋ بولىپ وتىرعاندىعىن باسا ايتتى.
اۆتور: مارلان جيەمباي
