جەزقازعاننىڭ قورى تاۋسىلىپ كەلەدى - گەولوگيا كوميتەتى

استانا. قازاقپارات - ق ر ينۆەستيتسيالار جانە دامۋ مينيسترلىگى گەولوگيا جانە جەر قويناۋىن پايدالانۋ كوميتەتىنىڭ ءتوراعاسى بازارباي نۇربايەۆتىڭ ايتۋىنشا، بۇگىندە ەلىمىزدەگى قازبا بايلىقتارىنىڭ قورى جەتكىلىكتى.

دەگەنمەن، نەگىزگى مەتالدار بويىنشا گەولوگيالىق زەرتتەۋدى 20-50 جىل بۇرىن جاساپ قويعان ءجون، دەپ حابارلايدى قازاقپارات ءتىلشىسى.

«قازاقستاننىڭ قازبا بايلىقتارى تاۋسىلىپ كەلەدى دەگەن ماسەلە كەيدە كوتەرىلىپ تە جاتادى عوي. ءبىراق قازىرگى كەزدە قوردا تۇرعان پايدالى قازبالارىمىز جەتكىلىكتى. سول قورلار باسىمدى باعىتتار بويىنشا بولىنەدى. ول ءۇشىن ارنايى ينديكاتور بار. سونىڭ ىشىندە ەڭ باستى پايدالى قازبالار دەپ، التىندى، كۇمىس پەن ءتۇستى مەتالداردى قويعانبىز. ويتكەنى ەلىمىزدە وسى مەتالداردى ءوندىرىپ جاتقان ءىرى كاسىپورىندار بار. مىسالى، جەزقازعاندا ۇلكەن كومبينات بار. ونى ءبارى بىلەدى. ەل بار، حالىق بار، ۇلكەن قالا بار دەگەن سياقتى. ونىڭ دا ءوزىنىڭ قورلارى تاۋسىلىپ كەلە جاتىر. سوندىقتان دا ءبىز كوپ جۇمىستىڭ ءبارىن وسى جەزقازعاننىڭ اينالاسىندا قويدىق. زىريان، رۋدنىي بار. جالپى، مونوقالالاردىڭ اينالاسىندا كوبىرەك زەرتتەۋ جۇمىستارىن جۇرگىزىپ جاتىرمىز. سەبەبى گەولوگيا سالاسىندا قوردى 20-50 جىلعا الدىن الا جوسپارلاپ وتىرماسا، وتە كەش بولادى»، - دەدى ب. نۇربايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

كوميتەتتىڭ مالىمەتىنە سايكەس، تاۋەلسىزدىك جىلدارى ىشىندە 119 مۇناي-گاز كەنى، 94  التىن، 19  مارگانەتس، 14  مىس، 16 تەمىر جانە باسقا دا كەن ورىندارى اشىلىپ، مەملەكەتتىك بالانسقا قويىلدى.

اۆتور: الماس مۇقاش ۇلى