16:17, 15 - جەلتوقسان 2016 | GMT +5
نازاربايەۆ ميرزيەيەۆتى وزبەكستان پرەزيدەنتى لاۋازىمىنا كىرىسۋىمەن قۇتتىقتادى
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆپەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
اڭگىمە بارىسىندا شاۆكات ميرزيەيەۆ نۇرسۇلتان نازاربايەۆتى قازاقستان رەسپۋبليكاسى تاۋەلسىزدىگىنىڭ 25 جىلدىعىمەن قۇتتىقتاپ، حالقىمىزدىڭ ودان ءارى ءوسىپ-وركەندەۋىنە تىلەكتەستىك ءبىلدىردى.
نۇرسۇلتان نازاربايەۆ شاۆكات ميرزيەيەۆتى وزبەكستان رەسپۋبليكاسىنىڭ پرەزيدەنتى لاۋازىمىنا رەسمي تۇردە كىرىسۋىمەن قۇتتىقتادى. سونداي-اق، ەكى ەل كوشباسشىلارى ەكىجاقتى قارىم-قاتىناستىڭ قازىرگى جاعدايى مەن پەرسپەكتيۆالارىن تالقىلاپ، قازاقستان مەن وزبەكستان ىنتىماقتاستىعىن جانداندىرۋدىڭ ماڭىزدىلىعىن اتاپ ءوتتى. تەلەفون ارقىلى سويلەسۋگە وزبەكستان جاعى باستاماشى بولدى.
