قازاقستاندىق وفيتسەر افريكاداعى ءبىرجىلدىق اسكەري ساپاردان ورالدى - فوتو
قازاقستاندىق اسكەري قىزمەتشى افريكالىق ەلدە تۋرا ءبىر جىل بولدى. بۇل ۋاقىت ىشىندە ول ەكى بازادا قىزمەت اتقاردى. سونىڭ بىرەۋىنە كوماندير بولىپ تاعايىندالدى. «ب ۇ ۇ- نىڭ ميسسياسىنا قاتىسا وتىرىپ، مەن قاجەتتى تاجىريبە جيناقتادىم جانە ارينە، العان بىلىمىممەن بولىسۋگە دايىنمىن. بۇدان بۇرىن باتىس ساحاراداعى ميسسيالارعا قاتىسقان وفيتسەرلەرىمىز وزدەرىن كاسىبي جانە تاجىريبەلى ماماندار رەتىندە كورسەتە ءبىلدى»، - دەيدى اسقار قوجاعاليەۆ.
ميسسيادا اسكەري باقىلاۋشىلار بەلگىلى ءبىر تاپسىرمالاردى اتقارادى. ياعني، ۋاقىتشا ءبىتىمنىڭ ساقتالۋىن قاداعالاپ، بولىنگەن جاۋاپكەرشىلىك ايماقتارىندا پاترۋل جۇرگىزدى. اسقار قوجاعاليەۆتىڭ ايتۋىنشا، كىمنىڭ قاي ەلدەن كەلگەنىنە قاراماستان، ميسسياعا قاتىسۋشىلار ۇنەمى ءبىر- بىرلەرىنە دەمەۋ بولىپ، قولداۋ كورسەتۋگە جانە تاپسىرمالاردى جۇدىرىقتاي جۇمىلعان ۇجىم رەتىندە ورىنداۋعا تىرىسقان.
ودان باسقا، بىتىمگەرشىلىك ميسسيالارعا قاتىسۋدا تاجىريبەلەرى بار وفيتسەرلەر العان بىلىمدەرى توڭىرەگىندە ارىپتەستەرىمەن قۋانا- قۋانا بولىسكەن. 
قازىرگى ۋاقىتتا باتىس ساحارا (MINURSO) جانە كوت- د يۆۋارداعى (UNOCI) ب ۇ ۇ- نىڭ ميسسيالارىندا اسكەري باقىلاۋشىلار رەتىندە قازاقستان قارۋلى كۇشتەرىنىڭ ءتورت وفيتسەرى قاتىسىپ جاتقانىن ايتا كەتكەن ءجون.
