استانالىقتار بيىل ءتورت مۇز قالاشىعىن قىزىقتاي الادى - فوتو

استانا. قازاقپارات - استانا قالاسىنىڭ تۇرعىندارى مەن قوناقتارى بيىل قىستا ءتورت مۇز قالاشىعىن قىزىقتاي الادى، دەپ حابارلايدى قازاقپارات استانا قالاسى اكىمدىگىنىڭ مادەنيەت باسقارماسىنا سىلتەمەي جاساي وتىرىپ.

 قالاداعى مۇز قالاشىقتارىنىڭ قۇرىلىسى قارقىندى ءجۇرىپ جاتىر.  مۇز قالاشىق ەلىمىزدىڭ باس شىرشاسى جاعىلعان 18 - جەلتوقساننان باستاپ اشىلادى.

 قالالىق مادەنيەت باسقارماسىنىڭ حابارلاۋىنشا، بيىل مۇز قالاشىقتار «حان شاتىر» ويىن- ساۋىق ورتالىعىنىڭ جانىندا، قالالىق اكىمدىك جانىنداعى الاڭدا، ەسىل وزەنىنىڭ جاعالاۋىندا، «ستۋدەنتتەر» پاركىنىڭ جانىندا ورنالاسپاق.

«بىلتىرعى تاجىريبەگە سۇيەنەك، قالا حالقى مۇز قالاشىقتارعا وتە كوپ بارعان. سوندىقتان، بيىل دا مەرەكە كۇندەرى مەن دەمالىس كەزىندە حالىققا ارناپ ءار ءتۇرلى كوڭىل كوتەرۋ باعدارلامالارىن، فلەشموبتار مەن جارىستار ۇيىمداستىرماقپىز. بۇل شارالاردىڭ ماقساتى - ەلوردا حالقىنىڭ دەمالىسىن كوڭىلدى ەتۋ ءارى سالاۋاتتى ءومىر سالتىن قالىپتاستىرۋ»، - دەيدى مادەنيەت باسقارماسىنىڭ باسپا ءسوز قىزمەتى.

 اۆتور: كەنجەكەي توقتامۇرات قىزى