استانادا جاۋعان جاڭبىر مۇز قالاشىقتىڭ قۇرلىسىنا كەدەرگى كەلتىردى مە - فوتو

استانا. قازاقپارات - بۇگىن استانا قالاسىندا اۋا تەمپەراتۋراسى ەكى گرادۋسقا دەيىن جىلىنىپ، تاڭەرتەڭنەن بەرى جاڭبىر جاۋعانى بەلگىلى.

مەزگىلسىز جاۋعان جاڭبىر قالادا سالىنىپ جاتقان مۇز قالاشىقتى ازداپ ءبۇلدىرىپ كەتتى، دەپ حابارلايدى قازاقپارات.

الايدا، مۇز قالاشىقتى سالىپ جاتقان ادامدار جاڭبىرعا قاراماستان، مۇز قالاشىقتىڭ اشىلۋىنا دەيىن (19 جەلتوقسان - اگەنتتىك) بۇكىل جۇمىستى اياقتايمىز دەپ سەندىردى.



مۇز قالاشىقتا ەڭبەكتەنىپ جۇرگەن جۇمىسشىلار قازاقپارات تىلشىسىمەن اڭگىمەلەسە وتىرىپ، كۇنى-ءتۇنى جۇمىس ىستەپ جۇرگەندەرىن ايتتى.



استانا قالالىق مادەنيەت باسقارماسىنىڭ حابارلاۋىنشا، كۇن رايى مۇز قالاشىقتاعى فيگۋرالاردى قاتتى بۇلدىرمەگەن. «سينوپتيكتەردىڭ بولجاۋىنشا، جاقىن ارادا كۇن تاعى دا سۋىتادى. سوندىقتان، مۇز قالاشىقتىڭ قۇرىلىسى ۋاقىتىندا اياقتالادى. ءبىر-ەكى كۇنگى جىلى اۋا رايى قۇرىلىسقا قاتتى كەدەرگى كەلتىرمەيدى»، - دەدى باسقارماسىنىڭ باسپا ءسوز قىزمەتى.

اۆتور: كەنجەكەي توقتامۇرات قىزى