ءوزىن-ءوزى ورتەگەن رىسمانوۆانىڭ ۇلى دا وزىنە قول سالماق بولعانى راستالمادى

استانا. قازاقپارات - ەلوردادا ق ر باس پروكۋراتۋراسى الدىندا ءوزىن ورتەگەن مايرا رىسمانوۆانىڭ ۇلى دا ءوزىن- ءوزى ولتىرمەك بولدى دەگەن اقپارات جالعان.

بۇل جايىندا ق ر ءى ءى م قىلمىستىق اتقارۋ جۇيەسى كوميتەتىنەن ءمالىم ەتتى، دەپ حابارلايدى قازاقپارات.

«بۇل فاكتى اسىرا سىلتەۋشىلىك. مۇنى سولاي كورسەتكىسى كەلەتىن كەيبىر ادامدار بار. ول (مايرا رىسمانوۆانىڭ ۇلى) ءوز-وزىنە قول سالماق بولعان جوق. ول وزىنە جەڭىل دەنە جاراقاتىن سالىپ، وعان مەديتسينالىق كومەك كورسەتىلدى. جاراقات ومىرگە دە، ادامنىڭ دەنساۋلىعىنا دا قاۋىپتى ەمەس. اتالعان فاكتى بويىنشا تەرگەۋ امالدارى جۇرگىزىلۋدە»، - دەپ حابارلادى ق ر ءى ءى م قىلمىستىق اتقارۋ جۇيەسى كوميتەتىنەن.

ەستەرىڭىزگە سالا كەتسەك، اعىمداعى جىلدىڭ 6 -جەلتوقسانى كۇنى كۇندىزگى ساعات 12-16-دا ق ر باس پروكۋراتۋراسىنىڭ باقىلاۋ- وتكىزۋ پۋنكتىندە 1968 -جىلى دۇنيەگە كەلگەن مايرا رىسمانوۆا ءوزىن-ءوزى ورتەپ، قالالىق اۋرۋحاناعا جەتكىزىلگەن. ونىڭ مۇنداي قادامعا بارۋىنا ۇلى ە. احمەتوۆتىڭ ءىرى كولەمدە ەسىرتكى ساقتادى دەگەن ايىپپەن 4,5 جىلعا سوتتالۋى سەبەپ بولعان. بۇگىن مايرا رىسمانوۆا ەلوردا اۋرۋحانالارىنىڭ بىرىندە قايتىس بولدى.

اۆتور: مارلان جيەمباي