جوعارعى سوت ءتوراعاسى قايرات ءمامي استانانى «بريلليانتقا» تەڭەدى
«تاتۋ ەلگە تىنىشتىق پەن توقشىلىق ءناسىپ» دەپ، كۇلتەگىن بابامىز ايتقانداي، وسىدان شيرەك عاسىر بۇرىن الەم كارتاسىندا جاڭا تۇرپاتتى تاۋەلسىز مەملەكەت پايدا بولىپ، وزىندىك دامۋ جولىنا ءتۇستى. تۇڭعىش پرەزيدەنتىمىز - ەلباسىنىڭ قاجىرلى ەڭبەگى مەن تاباندىلىعىنىڭ ارقاسىندا، الەۋەتى جوعارى، ەكونوميكاسى تۇراقتى، الەم مويىنداعان بەيبىت ەلگە اينالدىق»، - دەگەن ق. ءمامي الدىمەن حالىقارالىق دەڭگەيدەگى جەتىستىكتەرىمىزگە توقتالدى.
«ىرىلىگى جاعىنان، ءتورتىنشى يادرولىق قارۋدان باس تارتتىق، ە ق ى ۇ سامميتىن وتكىزدىك، ەۋرازيالىق وداق قۇردىق، الەمدىك جانە ءداستۇرلى دىندەر فورۋمىن وتكىزدىك، ازيادا ويىندارى ارتتا قالدى، ەندى ەكسپو كورمەسى بار. بۇل - حالىقارالىق دەڭگەيدەگى جەتىستىكتەرىمىزدىڭ بىرنەشەۋى عانا»، - دەگەن ول ەندى ەل ىشىندەگى باستامالارعا توقتادى.
«ەل ىشىندەگى جەتىستىكتەرگە توقتالاتىن بولساق، ارينە، بىرىنشىدەن، باسەكەگە قابىلەتتى ەكونوميكا قالىپتاستىردىق. تاۋەلسىزدىك جىلدارىندا ەلدىڭ جالپى ىشكى ءونىمى 24 ەسەگە ارتىپ، قازىر جان باسىنا شاققاندا 13 مىڭ دوللاردى قۇرايدى. تاۋەلسىزدىكتىڭ ناعىز بريلليانتى، بۇكىل قازاقستاندىقتاردىڭ ماقتانىشى - ءبىزدىڭ جاڭا ەلوردامىز - استانا قالاسى»، - دەدى ق. ءمامي.
ايتا كەتەيىك، جوعارعى سوت ءتوراعاسى قايرات ءمامي بۇگىن تاۋەلسىزدىكتىڭ 25 جىلدىعىنا ارنالعان سالتاناتتى شاراعا قاتىسىپ، سوت سالاسىنا ەڭبەگى سىڭگەن ازاماتتاردى «پاراسات»، «قۇرمەت» وردەندەرىمەن ماراپاتتادى.
