جاقىندا ءبىز تاعى ءۇش پروكۋروردى سوتقا بەردىك - باس پروكۋرور

استانا. قازاقپارات - ق ر باس پروكۋرور جاقىپ اسانوۆتىڭ ايتۋىنشا، ۆەدومستۆو باسشىلىعى كاسىبي مامانداردى ىرىكتەپ قانا قويماي، دايىندىعى تومەن قىزمەتكەرلەردى جۇمىستان شىعاراتىن بولادى، دەپ حابارلايدى قازاقپارات ءتىلشىسى.

«سەبەبى «ەكىلىككە» جۇمىس ىستەيتىندەردى ۇستاۋ ءبىز ءۇشىن قىمباتقا ءتۇسىپ وتىر. ارينە، بىزدە ءبارى تاماشا دەپ ايتا المايمىن. ماسەلەن، سوڭعى كۇندەرى بىزدە ءۇش پروكۋرور سوتتالدى. ءبىزدىڭ باستامامىزبەن ۇستالدى. ولاردى ىشكى قاۋىپسىزدىك قىزمەتى قۇرىقتادى. ءبىز اتالعان قىزمەتتى كۇشەيتەتىن بولامىز. سونىڭ قۇرامىندا ارنايى تەرگەۋشى پروكۋرورلار بولادى. جاقىندا ءبىز تاعى ءۇش پروكۋرورعا قاتىستى قىلمىستىق ىستەردى قوزعادىق. قاراعاندىداعى جاعدايدى دا جاقسى بىلەسىزدەر، ول جاقتا ءبىز ءوز ارىپتەستەرىمىزگە قاتىستى تارتىپتىك جازانى قولداندىق. ءبىراق ولاردى قىلمىستىق جازاعا تارتۋ قاجەت»، - دەدى ج. اسانوۆ كاسىبي مەملەكەتتىك اپپاراتتى قالىپتاستىرۋ ماسەلەلەرىنە ارنالعان جيىندا.

ونىڭ ايتۋىنشا، قاراعاندى قالاسىندا 6 ادام ءبىر كىسىنى ولتىرگەن. ءبىراق ءبىر ادامدى عانا سوتتاعان. وعان قوسا، پروكۋرورلار سول اداممەن كەلىسىپ، باس بوستاندىعىنان ايىرۋ جازاسىن ازايتقان.