قۇزىرەتتى ورگان ينتەرنەت ساۋداسىندا ساق بولۋعا شاقىرادى

استانا. قازاقپارات - تۇتىنۋشىلار قۇقىعىن قورعاۋ كوميتەتىنە ەلەكتروندىق ساۋدا كەزىندەگى الاياقتىققا قاتىستى كوپتەگەن شاعىمدار كەلىپ تۇسەتىندىگىن جانە ينتەرنەت جەلىسىندە جوسىقسىز ساۋداگەرلەرگە قاتىستى كوپتەگەن تەرىس پىكىرلەر بار ەكەندىگىن تۇتىنۋشىلاردىڭ نازارىنا جەتكىزەمىز، دەپ حابارلايدى اتالعان كوميتەتتىڭ ينتەرنەت رەسۋرسى.

ەلەكتروندى قىزمەتتى قولداناتىن تۇتىنۋشىلاردىڭ شاعىمدارىنا سايكەس اتالعان سۋبەكتىلەر قولدانۋعا جارامسىز، مالىمدەلگەن تالاپتارعا، سونداي- اق مودەلى، ءوندىرۋشىسى سايكەس كەلمەيتىن ساپاسىز جانە جالعان تاۋارلاردى وتكىزەدى، سونىمەن قاتار ساتۋشىمەن ەشقانداي كەرى بايلانىس جوق.

كوميتەت ينتەرنەت جەلىسىندە سۋبەكتىلەردىڭ اتاۋى مەن ساتۋشىنىڭ (دايىنداۋشى، ورىنداۋشى) ورنالاسقان جەرى (زاڭدى مەكەن- جايى) تۋرالى اقپارات جوق ينتەرنەت سايتتارىندا تاۋارلاردى ساتىپ الماۋدى سۇرايدى. كوميتەت ينتەرنەت جەلىسىندە تاۋار ساتىپ الۋ كەزىندە وتە ساق بولۋدى سۇرايدى.

قازىرگى ۋاقىتتا كوميتەت اتالعان باعىتتا شارالار قابىلداۋ بويىنشا ءتيىستى جۇمىس جۇرگىزۋدە.