قازاقستاندىق ۇزدىك كارديوحيرۋرگ تۋرالى دەرەكتى فيلم نەپالداعى كينوفەستيۆالدە كورسەتىلەدى
دەرەكتى فيلم حالىقارالىق دەڭگەيلى ۇزدىك كارديوحيرۋرگتەردىڭ ءبىرى، مەديتسينا عىلىمدارىنىڭ دوكتورى يۋري پيانىڭ قىزمەتى جانە ونىڭ العاشقى ناۋقاستارى تۋرالى سىر شەرتەدى. «يۋري پيا حيرۋرگ بولۋعا جاراتىلعان ادام. فيلمگە ونىڭ بىلىكتىلىگى تۋرالى ايتاتىن ارىپتەستەرى مەن ءومىرىن ساقتاپ قالعان ناۋقاس جاندار قاتىسقان. بۇل فيلم شەتەلدە كورسەتىلەتىنىنە قۋانىشتىمىن»، - دەدى فيلمنىڭ رەجيسسەرى وڭداسىن تاستانوۆ.
گيمالاي قاۋىمداستىعىنىڭ (Himal Association) ۇيىمداستىرۋىمەن كاتماندۋ قالاسىندا جىل سايىن وتەتىن حالىقارالىق كينوفەستيۆال 2000 -جىلدان بەرى وتكىزىلىپ كەلەدى. بيىل فەستيۆال شەڭبەرىندە گەرمانيا، قىتاي، فرانسيا، ءۇندىستان، تۇركيا، ا ق ش، كورەيا سىندى مەملەكەتتەردىڭ 80 گە جۋىق فيلمدەرى كورسەتىلەدى. يۋري پيا قازاقستاندا كارديوحيرۋرگيالىق جاردەم قىزمەتىن جولعا قويۋ جانە دامىتۋعا قوماقتى ۇلەس قوستى، سونىڭ ۇسىنۋىمەن ونداعان ناۋقاستاردىڭ ءومىرىن ساقتاپ قالعان جاڭا وزىق مەديتسينالىق تەحنولوگيالاردى ەنگىزۋ مۇمكىن بولدى. فيلمنىڭ سەناريىن زليحا شىمىروۆا جازعان.
