قۇرىق پورتىندا ۆاگونداردى پارومعا تيەۋ باستالدى
پورت جۇمىسىنىڭ باستالۋىنا بۇگىن جالپى ۇلتتىق تىكەلەي كوپىر بارىسىندا ق ر پرەزيدەنتى نۇرسۇلتان نازاربايەۆ رۇقسات بەردى، دەپ حابارلايدى قازاقپارات.
ماڭعىستاۋ وڭىرىنەن تىكەلەي بايلانىسقا شىققان «قۇرىق پورتى» ج ش س- نىڭ باس ديرەكتورى اباي تۇرىكپەنبايەۆ پاروم كەشەنى ترانس كاسپي حالىقارالىق ءدالىزى كولىك- لوگيستيكالىق جۇيەنىڭ ماڭىزدى بۋىنى سانالاتىندىعىن باسا ايتتى.
«ءبىز تەمىر جول جانە پورت ينفراقۇرىلىمىن سالۋدى اياقتادىق جانە بۇگىن ءبىرىنشى تەمىر جول قۇرامىن تيەۋگە دايىنبىز»، - دەدى سەرىكتەستىك باس ديرەكتورى.
ءوز كەزەگىندە مەملەكەت باسشىسى قۇرىق پورتى ەلىمىزدىڭ جۇكتەرىن كاۆكازعا شىعارۋعا مۇمكىندىك بەرەتىندىگىن باسا ايتتى.
«بۇل جوبانى دا ۇزاق كۇتكەن ەدىك. ەلىمىز ءۇشىن، يندۋستريالاندىرۋ ءۇشىن، دامۋ ءۇشىن اسا قاجەتتى جوبا. تاۋەلسىزدىكتىڭ 25 جىلدىعى قارساڭىنداعى وسىناۋ جەتىستىكتەرمەن قۇتتىقتايمىن»، - دەدى قازاقستان پرەزيدەنتى.
اۆتور: مارلان جيەمباي
