الماتىنىڭ ىزدەۋدە جۇرگەن تۇرعىنى الاياقتىقتىڭ جاڭا ءتۇرىن ويلاپ تاپقان

الماتى. قازاقپارات - الاياقتىق جاساعان الماتىلىقتى قالانىڭ پوليتسەيلەرى ىزدەۋدە، دەپ حابارلادى ءى ءى د باسپا ءسوز قىزمەتىنە سىلتەمە جاساپ «قازاقپارات» ح ا ا ءتىلشىسى.

پوليتسەيلەر سوتالدى تەرگەۋ ماتەريالدارى بويىنشا 36 جاستاعى ەر ادامعا بىردەن بىرنەشە فيرمانىڭ وكىلدەرىن الداعان دەگەن ايىپ تاعۋدا. «ول كومپانياعا كۇزەت فيرماسىنىڭ وكىلى رەتىندە كىرىپ، نىسانداعى قاۋىپسىزدىكتى قامتاماسىز ەتۋ بويىنشا قىزمەتتى كورسەتۋگە شارت جاساسقان. الدىن الا اقشا الىپ، بوي تاسالاپ كەتكەن. بۇگىندە ءبىزدىڭ وندىرىستە ازامات بوگاچەۆتىڭ زاڭسىز ارەكەتىنە قاتىستى 6 ءوتىنىش جاتىر. قازىر ونىڭ وسىنداي باسقا دا الاياقتىقتارعا قاتىستىلىعى بار-جوعى تەكسەرىلۋدە. وسىعان بايلانىستى وسى ادامدى تانيتىندار بولسا، 2544700 جانە 2544701 تەلەفوندارىنا حابارلاسۋلارىڭىزدى سۇرايمىز»، - دەپ حابارلادى بوستاندىق اۋدانى ءى ءى ب باستىعى پوليتسيا پودپولكوۆنيگى بەرىك ابىلبەكوۆ.