عالىمدار: قۇراننان گورى ىنجىلدە زورلىق-زومبىلىق سوزدەرى كوبىرەك كەزدەسەدى

استانا. قازاقپارات - قۇراننىڭ قانشالىقتى زورلىق-زومبىلىققا تولى ەكەنىن انىقتاۋعا تىرىسقان توم اندەرسون ەسىمدى عالىم مۇسىلمانداردىڭ قاسيەتتى كىتابى شىن مانىندە مەيىرىمگە تولى ەكەنىن انىقتاعان.

بۇل تۋرالى NUR. KZ پورتالى independent.co.uk سايتىنا سىلتەمە جاساپ حابارلايدى.

عالىم قۇران مەن ءىنجىلدىڭ ماتىندەرىن ارنايى باعدارلاماعا ەنگىزىپ، ونداعى زورلىق-زومبىلىق سوزدەرىنىڭ قانشالىقتى ءجيى كەزدەسەتىنىن ساناپ شىققان.

«بۇل جوبا يسلام ءدىنىن تەرروريزممەن بايلانىستىرىپ جۇرگەندەردىڭ سۇراعىنا جاۋاپ بەرۋ ماقساتىندا قولعا الىنىپ، يسلام ءدىنىن وزگە دىندەرمەن سالىستىرۋ ءۇشىن جۇزەگە اسىرىلدى»، - دەيدى اندەرسون.

ءماتىندى ساراپتايتىن باعدارلاما قۇراننىڭ اعىلشىنشا نۇسقاسى مەن ىنجىلدەگى زورلىق-زومبىلىق سوزدەرىن ەكى-اق مينۋتتىڭ ىشىندە ىرىكتەپ شىعارعان.

سوزدەر سەگىز ەموتسياعا ءبولىنىپ، سارالاندى. ولار - قۋانىش، ۇمىتتەنۋ، ىزا، جيىركەنىش، قايعى، تاڭدانۋ، ۇرەيلەنۋ، سەنىم ارتۋ.

ساراپتاما ءىنجىلدىڭ قۇرانمەن سالىستىرعاندا كوبىرەك ىزا سوزدەرىن جانە ازىراق سەنىم ءسوزىن قولدانعانىن كورسەتكەن.

«ءبىز يسلام ءدىنى وزگە دىندەرگە قاراعاندا قاتىگەز ەكەنىن دالەلدەۋدى نەمەسە جوققا شىعارۋدى ماقسات ەتپەدىك. جانە دە بۇل زەرتتەۋ جان-جاقتى جاسالماعاندىقتان، قانداي دا ءبىر تۇجىرىم جاساۋعا جارامايدى»، - دەپ ەسكەرتتى عالىم.