ەلىمىزدە اراق پەن سىرانى جارنامالاۋعا رۇقسات ەتىلمەكشى
بۇل تۋرالى ك ت ك حابارلايدى.
ءبىراق، الكوگولدەردىڭ بوتەلكەلەرى ەمەس، تەك لوگوتيپى كورسەتىلەدى.
«سپيرتتىك ىشىمدىكتەر تۋرالى جارناما پرايم- تايمدا كورسەتىلمەيدى. تۇنگى 11 دەن تاڭعى 5-كە دەيىنگى ۋاقىتقا قويامىز. بالالارعا كورسەتپەيمىز. بۇل تەلەارنالار ءۇشىن قوسىمشا قارجى كوزى بولادى. وسىلاي وتاندىق ءونىمدى قولداماساق، ءبارىبىر شەتەلدىك ىشىمدىكتەر العا شىعىپ كەتۋدە»، - دەدى ق ر اقپارات جانە كوممۋنيكاتسيالار ءمينيسترى داۋرەن ابايەۆ.
ياعني، ۇكىمەت قارجى داعدارىسىنا بايلانىستى سپيرتتىك ىشىمدىكتەردى جارنامالاۋعا ءماجبۇر ەكەن. ويتكەنى، قازىر كاسىپكەرلەر تەلەارنالارعا جارناماعا جىلىنا 36 ميلليارد تەڭگەگە تاپسىرىس بەرەدى. بۇل قارجى تەلە-راديولاردىڭ شىعىنىن تولىق جابۋعا جەتپەيدى.
جالپى، ەلىمىزدە 12 جىل بۇرىن سىرا، شاراپ پەن تەمەكى سىندى دەنساۋلىققا زيان ونىمدەردى كوگىلدىر ەكرانداردا ناسيحاتتاۋعا تىيىم سالىنعان بولاتىن. جانە بيىل شىلدەدەن باستاپ قازاقستاندا قايتا ترانسلياتسيالاناتىن شەتەلدىك تەلەارنالاردىڭ دا سىرانى ناسيحاتتاۋىنا شەكتەۋ قويىلعان-دى.
