موڭعوليادا كوشپەلى قازاقتاردىڭ قىستاۋىن ۆيدەوعا ءتۇسىردى

استانا. قازاقپارات - رەجيسسەر ءارى فوتوگراف دجوەل سانتوس موڭعولياداعى كوشپەلى قازاقتاردىڭ مال جايىلىمىنا ىڭعايلى جايلاۋلارى مەن قىستاۋلارىن ۆيدەوعا ءتۇسىردى، دەپ حابارلايدى «قازاقپارات» ح ا ا ءتىلشىسى.

 موڭعوليانىڭ باتىس بولىگىندە، التاي تاۋلارىنىڭ بوكتەرىندەگى قازاقتار كوشپەلى ءومىر سالتىن ۇستانادى.  ولار مال جايىلىمىنا ىڭعايلى جەردى تابۋ ءۇشىن جىلىنا 2-3 رەت كوشەدى. قازاقتار اتا- بابالارىنىڭ ءىزىن جالعاپ، مال شارۋاشىلىعىمەن اينالىسادى.

 رەجيسسەر ءارى فوتوگراف دجوەل سانتوس سايلاۋدىڭ وتباسىمەن بىرگە ءبىر اپتا تۇرعان. دجوەل سانتوس ولاردىڭ ءومىرى مەن تۇرمىسىن، سونداي- اق قىستاۋدى جوسپارلاعان قازاقتاردىڭ قىركۇيەكتەگى كوشۋىن ۆيدەوعا تۇسىرگەن. وتباسىلار ەكىگە بولىنگەن. سايلاۋدىڭ اعاسى جىلقىلاردى، قويلار مەن قوداستاردى ايداعان. وتباسىنىڭ قالعان بولىگى كيىز ءۇي مەن زاتتاردى ەرتەسىنە تۇيەگە ارتۋ ءۇشىن قالعان. كوشپەلىلەر التاي تاۋىنىڭ كوز تارتارلىق جەرلەرىمەن كۇنىنە 25-35 شاقىرىم جول جۇرسە، جايلاۋدان قىستاۋعا دەيىنگى جالپى قاشىقتىق 150 شاقىرىمدى قۇراعان. قازاقتار مەجەلى ورىنعا 4-5 كۇننەن كەيىن جەتىپ، وتباسىلار قايتا تابىسادى. ولار مۇندا 2-3 اي بولىپ، جينالىپ، كوشپەلى ءومىردى جالعاستىرادى.