جەتى عاسىر بۇرىن سالىنعان عاجايىپ مەشىتتىڭ سۋرەتتەرى العاش رەت جاريالاندى - فوتو
عاجايىپ مەشىتتى فوتو سۋرەتكە، ۆيدەوعا تۇسىرۋگە تىيىم سالىنعان ەكەن. جۋرناليستەر مەشىت يمامىنا اللا ءۇيىنىڭ تاريحى جايلى جازىپ، ونى حالىققا جەتكىزۋ ءۇشىن فوتولاردىڭ كەرەك بولاتىنىن تۇسىندىرگەننەن كەيىن عانا رۇقسات ەتتى.
جەرگىلىكتى تۇرعىنداردان سىرت بۇل مەشىت جايلى وزگە جۇرت ءبىرىنشى رەت كورىپ تۇر. الەم جۇرتشىلىعىنا ۇسىنىلعان فوتوسۋرەتتەر مەشىتتىڭ العاشى سۋرەتتەرى بولماق.
لاراباگانا مەشىتى 1400-جىلداردىڭ باسىندا وسى ولكەگە شەيح ءال-ءمادينا ءال-مۋناۋۋارا جىبەرگەن يبراگيم ايۋبا ءال-انساري جاعىنان تۇرعىزىلعان.
بۇل مەشىتكە كىرەر كىشكەنتاي ەسىك. قارامەن بويالعان تۇسى ونىڭ كەلۋ قاينارىن ءبىلدىرىپ تۇرادى دەيدى مەشىتتەگىلەر.
مەشىت ءىشىنىڭ اۋاسى دالانىڭ ىستىق بولۋىنا قاراماستان، ۇنەمى سالقىن تەمپەراتۋرانى ۇستاپ تۇرادى. مەشىت توبەسىن تىرەپ تۇرعان قارا اعاشتار جاقىن ماڭداعى ورماننان اكەلىنگەن. اعاشتار قازىر مەتالل سياقتى قاتىپ قالعان.
مەشىتتە اپتا سايىن جۇما نامازى وقىلادى. جۇمادا مەشىت ىشىنە سىيماعان جۇزدەگەن ادامدار سىرت جاققا ساپقا تۇرادى. مەشىت نەگىزىن قالاۋشى ايۋبا ءال-انساري وسى الىپ اعاشتىڭ ماڭىنا جەرلەنگەن. ول پايعامبارىمىز مۇحاممەدتىڭ اناسىمەن رۋلاس دەيدى جەرگىلىكتى ادامدار.
ءار جىل سايىن وسى 500 جىلىق تاريحى بار اعاشتىڭ جەمىستەرى ءپىسىپ، جاپىراقتارى جەرگە تۇسە باستاعان كەزدە بۇل جەردەگى ءار رۋدىڭ ادامدارىنا ۇلەستىرىلىپ، ۇلكەن تويعا ۇلاسادى. بۇل اعاش وسىنداعى حالىقتىڭ بەرەكە-بىرلىگىنىڭ، بەيبىتشىلىگى مەن باۋىرلاستىعىنىڭ بەلگىسى سياقتانىپ تۇرادى.
ءار جىلى جاڭبىرلى ماۋسىمنان كەيىن جەرگىلىكتى حالىق جينالىپ مەشىتتىڭ سىرتىن سىلاپ، جاڭارتىپ شىعادى. مەشىت قابىرعاسىندا تۇرعان اعاش بۇتاقتارى وسىنداي جوندەۋ جۇمىستارى كەزىندە عيماراتتىڭ ءاربىر بولىگىن، دەڭگەيىن كورسەتىپ تۇراتىن بەلگى رەتىندە پايدالانىلادى.
