قايرات نۇرتاس رەسپۋبليكا سارايىنىڭ كاسساسىندا جۇمىس ىستەدى - فوتو
ءانشى ءۇش ساعات بويى بيلەت ساتىپ، كەلۋشىلەرگە قولتاڭبا تاراتتى، فوتوعا ءتۇستى، دەپ حابارلايدى قازاقپارات. ءانشىنىڭ پروديۋسەرى گۇلزيرا ايداربەكوۆانىڭ ايتۋىنشا، جاعدايىن ايتىپ كەلگەندەرگە قايرات بيلەتتەردى تەگىن تاراتقان. تانىمال جۇلدىزدى كورگەن جانكۇيەرلەردىڭ قۋانىشتارى شەكسىز بولعانى سونشالىق، ءبىرى بيلەتتەرىن ۇمىتىپ كەتسە، ءبىرى ءامياندارىن دا ۇمىت قالدىرعان. «بۇگىن ەرەكشە كۇن بولدى. قايرات كاسسادا ءوزى بيلەت ساتىپ، جانكۇيەرلەرىمەن سۋرەتكە ءتۇسىپ، قولتاڭبا بەردى. 3 ساعات قالاي وتكەنىن سەزبەي دە قالدىق. جاعدايىن ايتىپ كەلگەندەرگە ءوز قالتاسىنان تولەپ، تەگىن بيلەتتەر دە بەرىپ قۋانتتى. ءبىراز قىزىقتاردىڭ كۋاسى بولدىق. قايراتتى كورىپ، سۋرەتكە تۇسكەنىنە قۋانىپ، بيلەتىن ۇمىتىپ كەتكەندەر بولدى. ءتىپتى پورتمونەسىن ۇمىتىپ كەتكەن كىسى دە بار. ءبىراق ءبىزدىڭ كوزىمىز شالىپ قالىپ، يەسى كەلەر دەپ ساقتاپ قويدىق. پورتمونەنىڭ يەسى تابىلسا، حابارلاسۋىنا بولادى. 87475554080 نومىرىنە حابارلاسسىن»، - دەپ جازدى گۇلزيرا ايداربەكوۆا ينستاگرامداعى پاراقشاسىنا.
اۆتور: گۇلميرا الياكپاروۆا
Аллаға мың да бір шүкір, жанкүйерлерімізге айтар алғысымыз шексіз!
