تاتۋلاسقان جۇلدىزاي مەن نۇرجان ساحنادا بىرىگىپ ونەر كورسەتپەك
الايدا بۇل جاعداي ەكى اكتەردىڭ دوستىعىنا سىزات تۇسىرە الماعان ەكەن. ولار ءتىپتى «الداراسپاننىڭ» كەلەسى كونتسەرتىندە بىرگە ونەر كورسەتۋگە كەلىسكەن. مۇنىمەن قاتار، اكتريسا جەيتىن نان تاپپاي قالعان كۇندەرى تۋرالى ايتىپ بەردى.
ۆۋىتسىى
بۇل تۋرالى 31-ارنانىڭ «ۇيات ەمەس» باعدارلاماسىندا ايتىلدى.
«بىزدە جەيتىن نان، ازىق- تۇلىك بولماي قالعان كەزدەر بولدى. ونىڭ بارلىعىن وتكەردىك. وسىنداي جاعدايلار باسىمىزدان ءوتىپ جاتقان سوڭ، اكە- شەشەمە كومەكتەسكىم كەلدى. «اكە- شەشەم نەگە جۇرت سەكىلدى جارقىراپ جۇرمەيدى؟!» دەگەن وي كەلدى. مەن مەكتەپ بىتىرە سالىپ تۇرمىسقا شىعىپ كەتۋگە جاعدايىمىز بولمادى. ول ۋاقىتتا مىندەتتى تۇردە توي جاسالىپ، قىزدىڭ ارتىنان كيىم اپاراتىن. سول سەبەپتى مەن وقۋعا ءتۇسىپ، جۇمىس ىستەپ، اكە- شەشەمنىڭ جاساعان جاقسىلىعىن اقتاۋعا تىرىستىم.
ارينە، ولاردىڭ جاقسىلىعىن تولىقتاي اقتاۋ مۇمكىن ەمەس. ودان كەيىن وزىمنەن كەيىنگى قىز وقۋعا ءتۇستى. وعان ءومىردى ۇيرەتەيىن دەپ قاسىندا ءبىر جىل ءجۇردىم. اراعا ءبىر جىل سالىپ، كىشى ءسىڭىلىم وقۋعا ءتۇستى. ءبىر كۇنى اناما «ەندى كىشكەنتاي قىزدارىڭ وقۋعا ءتۇستى عوي. ماعان كۇيەۋگە تيۋگە رۇقسات بەرىڭدەر» دەپ كۇلدىم. سوندا انام «ءاي، ءبىز ساعان قاشان رۇقسات بەرمەي ءجۇر ەدىك؟!» دەدى. اللا وسى ساتتە اۋزىما سالسا كەرەك. جاڭاعى ءسىڭىلىم وقۋعا تۇسكەن سوڭ، كەلەسى جىلى تۇرمىسقا شىقتىم»، - دەيدى جۇلدىزاي.
- دەمەك سەن ءوزىڭدى تۋعان- تۋىسقاندارىڭ ءۇشىن قۇربان ەتتىڭ عوي؟ سەنەن مۇنى ەشكىم سۇراعان جوق.
- مەن ءوز-ءوزىمدى قۇربان قىلعان شىعارمىن. مۇنى «اعايىن- تۋىسقا جاساعان قۇرباندىعىم» دەسەم، ارتىق ايتقانىم بولار. ءبىراق مەن ءوزىم سولاي جاساعىم كەلدى. ءالى كۇنگە دەيىن بارلىعىن قاداعالاپ وتىرعاندى جاقسى كورەمىن. ۇيدە وسى مىنەزىم ءۇشىن قىزدار رەنجىپ جاتادى. «ءاي، قويشى ەندى. كۇيەۋگە ءتيدىڭ عوي، بارىپ ءوز قىزىڭدى ۋايىمداشى» دەيدى. ۇيگە ءبىر حابارلاسپاسام، كوڭىلىم كونشىمەي تۇرادى. بىردە شىمكەنتكە «شانشار» تەاترىمەن بىرگە كەتكەن كەزدە، ۇيگە تاكسوفوننان قوڭىراۋ شالىپ، «انا، ەسىكتى قۇلىپتادىڭدار ما؟» دەگەنىم بار. سوندا انام «سەن كەتتى ەكەن دەپ ەسىكتى اشىپ جاتامىز با؟ كەلىپ قۇلىپتاپ كەتسەڭشى» دەپ ازىلدەگەن. مەن ۇيقىعا جاتاتىن كەزدە ەسىكتى جاۋىپ، ءبارىن تەكسەرەمىن.
- سۇحباتتارىڭىزدىڭ بىرىندە «ادامعا سەنۋدەن قالدىم» دەگەن ەكەنسىز. مۇنى نە ءۇشىن ايتتىڭىز؟
- سونداي جاعدايلار كوپ بولىپ كەتتى. بىرەۋگە سەنىپ تاپسىرعان جۇمىستارىم ورىندالماي قالدى. ادامعا سەنىپ قاسىندا جۇرسەم، تىرشىلىگىم بىتپەي جاتتى. مىسالى، مەنىڭ «الداراسپاننان» كەتۋىم. مەن نۇرجانعا تولىقتاي سەنىپ، سوڭىنان ەرگەنىمدە، ەكەۋىمىزدىڭ ارامىزدا تۇسىنىسپەۋشىلىكتەر بولىپ قالدى. قاتتى قىنجىلىپ، ادامعا سەنۋدەن قالدىم دەپ جازعانىم وسى ساتتە ەدى. ويتكەنى، نۇرجان مەنىڭ مەكتەپتى بىتىرگەن ۋاقىتتان باستاپ ارالاسقان دوسىم، اعام، سىرلاسىم بولدى. سودان ءبىز «الداراسپانعا» ءبولىنىپ كەتكەن كەزدە، ارامىزدا تۇسىنىسپەۋشىلىكتەر ورىن الدى. سول كەزدە مەن تىك مىنەزىمدى كورسەتىپ، نۇرجاننىڭ بەتىنە ايتىپ كەتىپ قالدىم. ءبىراق اراعا ءبىراز ۋاقىت سالىپ ويلاپ قاراسام، نۇرجان ەكەۋىمىز ساحنادا 14-15 جىل قاتار جۇرگەن ەكەنبىز. ءبىز - ءبىر ناندى ءبولىسىپ جەگەن ادامبىز.
«شانشاردا» ويناپ جۇرگەن كەزدە، كىشكەنە جاتاقحانادا تۇردىق. ول ءبىر بولمەدە ايەلىمەن، ءتورت بالا-شاعاسىمەن، قارىنداسىمەن بىرگە تۇراتىن. سول كەزدە نۇرجان تۇنگى ساعات ۇشتە تويدان كەلىپ، ءبىزدىڭ ەسىكتى قاعادى. ەسىكتى توقىلداتىپ «جۇزكا، جۇرسەڭدەرشى! مەن ءدامدى تاۋىق ەتىن الىپ كەلدىم» دەپ ءبىزدى شاقىرادى. اقنۇر اپكەمىز ادەمىلەپ شايىن جاساپ قويادى. مەنىڭ قاسىمدا ءسىڭىلىم بار. كەلىنشەگى كەڭتاۋدىڭ قىزى بولعان سوڭ، ول كىسىنى اپكە دەيمىن. ەرتەسىندە مەن پەچەنە ساتىپ السام، ولاردى شايعا شاقىرامىن. وسىلاي وستىك. وسىنشاما قيىندىقتى بىرگە وتكەرگەن اداممەن ءبىر ساتتە رەنجىسىپ قالعانىما سەنە المايمىن. ءبىز سول قۋ دۇنيەگە تالاستىق. كەلىسىلگەن سوما بەرىلمەي قالدى. ونى حالىقتان جاسىرۋ قاجەت ەمەس.
- سوندا دوستىقتارىڭنىڭ قۇنى قانشا بولدى؟
- ونى ناقتى ايتقىم كەلمەيدى. اجەپتاۋىر اقشا ەدى. دوستىقتىڭ قۇنىنا ەشتەڭكە جەتپەيدى ەكەن. سەبەبى، قازىر ەكەۋىمىز بىر-بىرىمىزدەن كەشىرىم سۇراپ، تۇسىنىستىك. ايتپاقشى، كەلەسى «الداراسپان» كونسەرتىنە مەن قايتا شىعامىن. سول اقشا ەكەۋىمىزدىڭ دوستىعىمىزعا سىزات تۇسىرە المادى. سىزات تۇسكەن بولسا، ءبىز قاتار تۇرىپ ءبىر ساحنادا وينامايتىن ەدىك.
- جالپى وسى اكتەرلىككە قالاي كەلدىڭ؟
- مەنىڭ ارمانىم زاڭگەر بولۋ بولاتىن. مەن ءالى كۇنگە دەيىن ارماندايمىن. نەگە ەكەنى بەلگىسىز، ومىردە كوپ قيىندىق پەن كوپ ادىلەتسىزدىك كوردىم. سونىڭ بارلىعىن كورىپ وسكەن سوڭ، زاڭگەر بولامىن دەپ شەشىم قابىلدادىم. ءبىراق زاڭگەرلىككە تاعى دا اقشا جوق بولعاندىقتان، وقي المادىم. سودان كەيىن ءوزىمنىڭ مۋزىكالىق ءبىلىمىم بولعاندىقتان، اكتەرلىككە تاپسىردىم. ءارتىس بولعىم كەلگەن جوق، تەك وقۋعا ءتۇسۋدى ماقسات تۇتتىم. ول كەزدە باستى ماقسات - كەز كەلگەن وقۋعا ءتۇسۋ بولاتىن. باسقا ماماندىق بويىنشا ءبىلىم السام دا، كەلەر جىلى اقشا جيناپ، زاڭگەرلىكتى وقىپ الامىن دەپ ويلادىم.
تۇسكەن سوڭ قىزىعىپ، ءتورت جىلدىڭ قالاي وتە شىققانىن بىلمەي قالدىم. تەاتردا جۇمىس ىستەپ جۇرگەنىمدە، مەنى ۋاليبەك ءابدىرايىموۆ «شانشارعا» جۇمىسقا شاقىرىپ، «ءبىر- ەكى جىل تانىلعانعا دەيىن از جالاقى الىپ قينالاتىن شىعارسىڭ. ءبىراق، ودان كەيىن ءبىر تويدان 3000 دوللار الاتىنداي دارەجەگە جەتەسىڭ» دەدى. مەنى سول ءسوز قىزىقتىردى. مەن تەاتردى تاستاپ، «شانشارعا» كەلدىم. 3000 مىڭ دوللار ايلىققا دا كەلدىم. قازىر، شۇكىرشىلىك ەتەمىن. ۋاكەڭە كەلگەنىمە ەشقاشان وكىنبەيمىن.
- ۇنەمى ەنە تۋرالى ءازىل ايتاسىز. بۇعان ەنەڭىز رەنجىمەي مە؟ ەنە تۋرالى ءبىر ءازىل ايتىپ بەرىڭىزشى.
- جوق، رەنجىمەيدى. ويتكەنى، ول كىسىلەردىڭ وتباسىنا مەن ءارتىس بولىپ كەلدىم. سول سەبەپتى، وعان رەنجىمەيدى دەگەن ويدامىن. ماعان وسى كۇنگە دەيىن بىردە-ءبىر رەت رەنىشىن ايتقان ەمەس. ءتىپتى، ەنەمنىڭ ءوزىن ازىلگە قوسىپ جاتامىن. ءبىر كۇنى ەنەلەر مەن كەلىننىڭ كەمەسى ساياحاتقا شىعىپتى. سودان بىردەن داۋىل بولىپ كەتىپ، ەنەلەردىڭ كەمەسى اۋدارىلىپ كەتىپتى. كەلىندەر قۋانىپ، ءبي كەشىن ۇيىمداستىرىپتى. سوندا بۇرىشتا ءبىر كەلىن جىلاپ وتىر ەكەن. الگى جىلاپ وتىرعان كەلىنگە قاراپ جۇرت قاتتى تاڭ قالىپ، «ءاي، نەگە جىلاپ وتىرسىڭ؟ قايتا قۋانبايسىڭ با؟» دەپ سۇراپتى. كەلىن «مەنىڭ ەنەم ۇيدە قالىپ كەتىپ ەدى» دەپ ايتقان ەكەن.
